Radio Romania International

Arhiva :

Rezultatili a alidzerlor parlamentari
(2012-12-12)
Atea dit soni aspuneari: 2012-12-20 13:05 EET Print
Rezultatili a alidzerlor parlamentari Suţial – democraţl’ii şi liberal’ii români, cu anexili a lor progresistă, respectiv conservatoari, adunaţ, tuţ, tru amintâtoarea Uniune Suţial Liberală, suntu multu aproapea di recordul înreghistrat di FSN tru 1990, la protili alidzeri leghislativi libiri dizvârtiti după câdearea a comunismului. Scorlu aputrusitor, aproapea 60% dit voturi şi nu alargu di 400 di mandati tru yinitorlu Parlamentu, easti lugursitu, un tsunami electoral, care ali aputrusi forţili declarati di dreapta, adunati multu amânat, minduescu comentatorl’ii - tru Alianţa România Dreaptă. Thimiljiusitâ anvârliga di PDL, pro-prezidenţialâ, ARD va s-aibâ aproapea 80 di mandati, niheamâ pisti năulu vinitlu Partid a Popului, Dan Diaconescu, formaţiune excentrică, dupu thimil’iusitorlu a l’ei, un controversat om di emburlâki şi patron di televiziuni. Intrarea tru premierâ a PP-DD, tru legislativ, lipseaşti s-l’i bagâ pi mindueari partidili clasiţi, ti furn’ia câ nihâirlâtica a lor administrativă alimenteadză, niacumtinat, curentul populistu, totna axi pi cicior di xanaamintari. Neise, tru Parlamentu nica va s-hibâ UDMR, care aprâftâsi, ama, tru oara dit soni, s-treacă praglu di 5 proţenti. Analiştil’i ştiu cari suntu contributorl’ii direcţâ la actualu dezechilibru politic dit Parlamentu. Va s-hibâ zborlu ti politiţli di sirţâl’e promovati di guvernili patronati di prezidentul Traian Băsescu, politiţ slab icâ ici exighisiti, cata cum şi aroganţa şi autosuficienţa a democrat-liberalilor. Eşeclu a lor cu mari halat easti s-veadi şi prit atea câ niţi un di yinitorl’i parlamentari PDL nu işirâ pi protlu loc tru colegiul tru cari candidarâ şi maşi redistribuireaampârţarea diznău a mandatilor andicra di votlu naţional lâ dişcl’idi calea ti un scamnu di parlamentar. Nu feaţirâ excepţie liderl’ii ARD, democrat-liberalu Vasile Blaga ili câpia a Forţâl’ei Tiviţi, fostul premier Mihai Răzvan Ungureanu. Aestâ, tru kirolu cându liderl’ii USL li amintarâ fără emoţii colegiili. Sistemlu di vot caftâ, di altă parti, unâ isapi şi, câte nu, alâxeri, di substanţă, aşi cum taxi, pân tru soni, premierlu social-democrat ţi easti pi ipotisi tora, Victor Ponta. Sistemlu s-vidzu, ama cu slâbinţi nica dit 2008, ama tora dusi la unâ catastisi ţi nu I tru aradâ, di s-agiumsi tra s-creascâ numirlu a parlamentarlor până di 100. El da izini tra s-intrâ tru Parlamentu şi nâscântâ candidaţ agiumţâ pi loclu doi, ţi s-hârsescu di câbilea arada di redistribuiri/ ampârtari diznău andicra di votlu gheneral amintat di formaţiunea işiş. Variantili acâtati tru isapi tră yinitoarili alidzeri, dit 2016, va s-hibâ – cundil’e Victor Ponta – votlu uninominal majoritar pur, aţel tru cari candidatlu di pi protlu loc amintâ colegiul cari ţi s-hibâ proţentul, votlu pi listi, practicat până tru 2008 şi un sistem mixtu, ufilisitu tru Germania. Unâ tentativă di alâxeari eara, astâ vearâ, ama Curtea Constituţională nu u validă. Apridfutearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International