Radio Romania International

Arhiva :

Bana după FMI
(2010-05-11)
Atea dit soni aspuneari: 2010-06-02 22:03 EET Print
Protlu cotizantu la mpărmuturli externi di aproapea 20 miliardi di euro contractat, anlu ţi tricu, di România, Fondul Monetar Internaţional apruche cu ngătan naulu program anticriză prit cari autorităţli au nădii că va s-da sila ali economie. Fondul cundil’e că va s-da ,a largu yinitoarili părţa dit împărmut mas după ţi guvernul va s-bagă tu lucru apofasili di sirţăl’ie ti n’icşurarea a hărgilor publiţi. Tu şcurti zboară, spusi gioi di prezidentul Traian Băsescu, cari ş-lo diznău, borgili a premierlui Emil Boc, aesti nsimneadza ună multu di multu tăl’iari: a tin’iilor di cafi mes dit sectorlu bugetar cu 25%, a pensiilor şi a agiutoarilor di şomaj cu 15%, a sumvenţiilor şi alti turlii di asistenţă suţială, a numirlui di lucrători la stat. Aternativili, spuni Băsescu, vrea s-eara ică cristearea a cotal’ei unică di impozitari şi a TVA, cu mări zn’ii la firmili private, ică contractarea a unui nău mpărmut externu, cari vrea u fătea borgi România ti ndauă bărnuri. Tu bitisita a nica unăl’ei dit misiun’ile tu arada a curi înviţa româneaşti, caplu ali delegaţie FMI, americanlu Jeffrey Franks, declră, tu limba a nicuchirlor, că tuti aesti apofasi lipseaşti s-ducă cătă loarea diznău a criştearil’ei economiţi. Jeffrey Franks: „Pacheta di apofasi pripusă di autorităţ ş-cari s-hărseaşti di agiutorlu a nostru easti sertu, ama ananghi ta s-bagă tu lucru. Cu ună băgari tu practico sausta, aesti apofasi va u scoată România dit criză ti tut anlu 2010. Minduim că va s-agiungă la ună crişteari anvărliga di zero ică negativă, cari va s-agiungă la aproapea 3,6% tu 2011.” Nica ţi nu spusi Franks, ama lu scot tu videală jurnalili di Bucureşti, easti existenţa a unui memorandum suplimentar di achicaseari anamisa di FMI şi Guvern, cari să s-l’ia borgea ta s0ngl’iaţa pensionărli ninti di chiro şi s-bagă imozit pi tichetili di measă, deapoa dit amintaticlu di capital şi tocurli la depozitili bancari. Lăhtărsearea ghenerală easti criscută cabaia di duchearea că tuti aesti pot s-hibă maş ahurhita. Analistul economic Aurelian Dochia declară ti jurnalu EVENIMENTUL ZILEI că meatrili ţi fură loati nu adară altuţiva cămaş ta s-amănă recursul la alti apofasi impopulari, dimi cristearea a taxilor şi a impozitilor. Sindicatili inşiră, pit căl’iuri şi s-ndreg ti picheti, mitinguri si urdinări, greva ghenerală ţi u băgară tu plan ti inşita a meslui, tru tut sistemlu bugetar. Dit opoziţie, PSD nu aproachi, acutotalui yitripsearea di şoc, ti cari spuni că easti un “ghenocid suţial”. A deapoa PNL lucreadză la ună moţiuni di cenzură contra a guvernului PDL-UDMR, pi cari ăl’i stuipsescu ti niaxie. Diagnosticlu easti mbărţitat di jurnalu ROMÂNIA LIBERĂ, altă turlie favorabil până tora a putearil’ei di tora. “Tăl’ierli nidiferenţiati a tin’iilor di cafi mes şi a pensiilor scoasirăti migdani nai ma mistirghioasili exighiseri ufiţiali şi spuneri lăhtăroasi ca ti peză” – spuni jurnalu. Cari adăvgă că tut ţi dimăndă Băsescu a român’ilor easti că lipseaşti tra s-tragătuţ căţe, ma ş-aveagl’ie muştiradzl’i, “minişţărl’i al Emil Boc nu fură axe ta s-tal’ie di cu chiro tin’iili di cafi mes şi di tu arada a lucrătorlor.”(11.05.2010) Textul: Bogdan Matei Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International