Radio Romania International

Arhiva :

Criză şi sirţâl’ie
(2010-05-07)
Atea dit soni aspuneari: 2010-05-11 14:33 EET Print
După aproapea doi an’i tu cari s-antricură tu declaraţii tu cari dzâţea că efectili sociali ali crizâ icunomicâ nu va s-hibă multu greali şi loară misuri cari nu adusiră vârnâ hăiri, guvernanţâl’i român’i deadiră hâbari gioi, ti nica un program anticriză. Aestă oară, un di sirţâl’ie, cari, tuţ analiştil’i dzâc, tal’ie tu carni yie. Cum premierlu Emil Boc, tut ma nivrut, eara cu pâltărli alichiti di mur, prezidentul Traian Băsescu fu aţel cari ş-lo pi guşi s-da tu şteari bairlu di misuri prit cari ari nâdie câ va u ţână icunumia pi lucru.: „Prota ş-prota easti zborlu ti ascâdearea a fondului di salarii, ti tut aparatlu bugetar dit Românie, cu 25%. Aestă misură prindi s-hibă loată di la 1 di cirişar. Tutnâoară, easti previzibilă ună ascâdeari a pensiilor cu 15%. Va s-hibă ascâdzuti multu şi sumvenţiili, iara pâradzl’i amintaţ dit sumvenţii va s-hibă daţ aţilor ţi dealithea au ananghi di ândrupari financiară. Tutnâoară, agiutorlu di şomaj va s-ascadă cu 15%.” Apufusiti deadun cu FMI, UE si Banca Mondială, cu cari, an, România feaţi unâ acâchiseari di âmprumut di vârâ 20 miliardi di euro, aesti misuri fură numâsiti di Băsescu „ună variantă a pistil’ei” ti darea silă ali icunumie. Alternativa, ti cari s-feaţi mari halat cu ună dzuuâ ma ninti, eara aţea di crişteari ali fiscalitati, prit darea nanaparti ali cotă unică di impozitari di maş 16% şi criştearea a TVA di la 19 la 25 di proţenti. Niveluri cari, dzâţea patronatili, vrea s-lu avea zgrumată di dip sectorlu privat, cari şi aşi trapsi multu di itia a crizăl’ei, prit scuteri di pi lucru şi încl’ideri di firmi. Democrat-liberal’i pro-prezidenţial’i spun că misurli nu mata putea s-hibă amânati şi că easti ghini macari că nu va s-agudească mediul privat, di cari ţâni darea silă ali icunumie ali Românie. Previzibil, partidili dit opoziţie s-mutară contra a hâbaril’ei dată di prezuidentu. El’i dzâc că ascâdearea a tin’iilor di cafi mes, a pensiilor şi a agiutoarilor di şomaj suntu isa cu un „ghenoţid social” şi easti ti niaprucheari. Liderlu PSD, Victor Ponta: „Soluţia corectă vrea s-eara dânâsearea a hărgilor bugetari ţi aduc amintatic ti firmili di partid, ascâderi ahoryea, dupu amintatic, avinarea di la lucru a n’iilor di muştiradz politiţ, aduşi la lucru di PDL dit sumedru 2009 pânâ tora.” Şi liberal’i fac timbihi că tută populaţia va s-hibă agudită di aesti misuri, căţe nu existeadză, practic, familii di bugetari şi familii pâltiti maş di particulari şi ascâdearea a hârgiuiaril’ei va s-agudească directu firmili particulari. Şi reacţiili a presăl’ei suntu ampărţâtie. ROMÂNIA LIBERĂ decretează că, prit aparatul a lui ţi tut mâcâ păradz geaba di la buget şi ţi tut creaşti di la an la an, „Statlu easti dusmanlu!” şi bagă concluzia că „şapti miliun’i di român’i va s-pâltească pâhălu a 20 an’i di nivreari ali reformă administrativă.” GÂNDUL, di altă parti, luyurseaşti că easti zborlu ti un stat pilotat, tu an’il’i dit soni, di guverni adusi la puteari di Băsescu şi-âl’i bagă stepsu a prezidentului că nu u ahurhi campania di astrindzeari tamam cu caplu a primlui-ministru. Autor: Bogdan Matei Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International