Radio Romania International

Arhiva :

Minerit fârâ cianuri
(2010-05-06)
Atea dit soni aspuneari: 2010-05-11 14:34 EET Print
Parlamentul European caftă s-hibă scoasă nafoara a nomlui tu Uniunea Europeană, a tehnologiilor minieri cari ufilisescu cianuri. Eurodeputaţl’i au adoptată ună rezoluţii tu cari invită Comisia Europeană s-ănchisească ună pripuneari leghislativă cariu să scoată nafoara a nomlui aţeali tehnologhii, vidzută ca ună calio sigură di apărari a resursilor di apă şi a ecosistemilor contra a ânfârmăcaril’ei cu cianuri prit activităţli di minerit. Până atunţea, s- recomandă a executivlui comunitar şi a statilor membri s-nu ândrupască directu ică indirectu niţiun proiectu cari ufiliseaşti ahtări tehnologhii. Parlamentul caftă ş-ca zonili di minerit pi bază di cianuri s-hibă ândrupati financiar s-u şuţă industria câtă sectoari nifârmâcoasi, cum suntu turismul şi energiili reghenerabili. Rezoluţia nu agiundzi automat normă obligatorie. România easti directu interesată di muabetea cari s-faţi pi nivelul ali Uniuni Europeanâ pi mardzina aiştui subiectu, tu condiţiili tu cari compania canadiană Gold Corporation ari naeti s-dişcl’hidă ună exploatari di malămă şi di asimi pi bază di cianuri la Roşia Montană, străveacl’ie localitati minieră dit Munţâl’i Apusen’i. Stogurli suntu luyursiti nai ma mărli dit Europa, di vârâ 300 di tonuri di malâmă aur şi vârâ 1400 di tonuri di asimi, ţi fac acutotalui 7,5 miliardi di dolari. Proiectul, contestat di ecologhişti şi nu maş di el’i, di itia a piricl’iului di ânfârmâcari a fisil’ei şi di aspârdzeari a patrimoniului natural şi arhitectonic a zonăl’ei, fu dânâsit, practic, tu 2007, la un an după darea s-hibă mutrit studiului di impactu. Tu aţel momentu, Gold Corporation avea bâgată, 400 di miliun’i di dolari dit un acutotal di aproapea 2 miliardi. Ari, pi di altă parti, şi argumenti di dişcl’idearea ali mină di metali scumpi di la Roşia Montană - locurili di lucru şi şansa ânyiaril’ei ali icunumie tu zonă. Autorităţli di Bucureşti lâ caftă a canadien’ilor s-spună că proiectul easti sigur di punctu di videari tehnic, că nu u ânfarmâcă fisea şi niţi nu aduţi zn’ii a oamin’ilor, cari au ciuflichi tu zona Roşia Montană şi cari s-au ampărţâtă, tu dauă tăburi – pro şi contra a proiectului. Idyili autorităţ au dată asiguripseri că deţizia finală mutrinda proiectul nu va s-hibă ună politică. Rezoluţia a leghislativlui european, cu tuti că ari maş titlu di recomandari, easti ama un semnal politic pitricut a statilor membri, aşi câ poati s-hibă luyursită ună goadă dată a interesilor ali companie canadiane. Aesta s-mută ântr-oară ş-dzâsi că documentul easti ună atacă la adresa dezvoltaril’ei ali Românie. Autor: Ştefan Stoica Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International