Radio Romania International

Arhiva :

Cum suntu controlati averli
(2010-04-27)
Atea dit soni aspuneari: 2010-04-27 15:09 EET Print
Giustiţia română, reformatâ niacumtinat, nica ş-li spuni cusururli legislativi. S-pari ti nipistipseari, ama un proţes ânchisit tu 2008, tu cari un medic, ţi fu parlamentar, nu putea sâ spunâ cum ari amintată 4 miliun’i di euro dit avearea a lui, putu s-ducă, meslu aestu, la scutearea nafoara a nomlui ali Aghenţie Naţionalâ ti Integritatie. ANI easti un organismu adrat tu Romanie ta s-li controleazâ averli a oamin’ilor cu funcţii tu stat, incompatibilităţli şi aguderli di interesi, iara pi baza a aţilor aflati di ANI lipsea sâ s-da apofasi cu caractir obligatoriu ti justiţia cl’imată s-da pidepsi cu caractir disuasiv. Sesizată di avocatlu a yeatrului-parlamentar, Curtea Constituţională fu sinfună câ nâscânti articoli dit nomlu dupu cari lucreazâ ANI, ligati di spunearea a declaraţiior di aveari şi di atribuţiili inspectorului di integritati suntu niconstituitionali. Poati că fatalismul românescu vrea s-avea aprucheată transformarea ANI tu maş ună mâyâzie a declaraţiilor di aveari maca România s-nu avea tâxită a UE, s-li ufiliseascâ cu ma mari hâiri mecanismili di tâneari cheptu ali aruşfeti. Tu aesti condiţii scuterea di pi lucru ali ANI poati ws-aducâ dupu ea nu maş âncurajarea amintaril’ei di averi paranom di demnitari, ama şi decredibilizarea ali giustiţie română. Ayin’iusit ş-u mirimitiseascâ alatusea, guvernul ândreapsi, tu reghim di ananghi, unâ nou stran’iu giuridic ti nomlu după cari lucreadzâ ANI. Nalili articoli spun câ declaraţia ţi va u completeadzâ oamin’il’i cu funcţii di stat va s-aibâ numa "declaraţie di patrimoniu" şi va s-aibă dauă componenti: ună publică, tu cari va s-hibâ tricută natura a avearil’ei, valoarea a conturlor, imobilili şi turlia cum fură amintati şi ună componentă confidenţială, ţi va u aibă maş ANI, tu cari va s-hibă tricuti şi bănchili iu suntt dişcl’isi conturli, cum şi adresa a casilor ţi li ari. Aşi easti tin’isită deţizia a Curtil’ei mutrinda ândreptul la bana privată. Tut ti tin’isearea a obiecţiilor di niconstituţionalitati, ANI va li mutreascâ maş datili scriati tu declaraţiili di patrimoniu şi va s-pitreacă dapoia un raportu s-hibă mutrit şi giudicat di Parchetlui. Prezidentul ali Românie, Traian Băsescu, ari zburătă, pi aestă temă, cu liderl’i a majoritatil’ei partidilor dit Parlamentu. El pistipseaşti că: “Aţel’i cari suntu tu menga a nomlui ANI, ma puţân giudicătorl’i, ştea că lipseaşti s-da ună declaraţie di aveari cu datieli limbidz a avearil’ei ţi u au. Dimi, maca nu vrea ş-u facă publică avearea, putea s-nu candideazâ la funcţii di consilieri, di primari, di parlamentari, di miniştri, ică di prezidentu ali Românie.” Liderl’i di la majoritatea a partidilor parlamentari fură sinfun’i s-u ayun’iusească triţearea prit leghislativ a noului proiectu di nom. Autor: Valentin Ţigău Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International