Radio Romania International

Arhiva :

Premiile a scenăl’ei romanească
(2010-04-20)
Atea dit soni aspuneari: 2010-04-27 15:10 EET Print
Uniunea Teatrală dit România aleapsi nai ma buni spectacoli a anlui 2009, tu arada a galăl’ei premiili UNITER, agiumtă la a 18-a ediţie. “Sunt 18 di an’i tu cari vrum ta s-tin’isim tu scara nai ma analtă aestă artă tu România. Aestu lungu chiro nsimnă ti noi tut ahăntu chiro di căftări, di cercetări, di lăhtări”, declară, tu dişcl’idearea a Galăl’ei, actorlu Ion Caramitru, iniţiatorlu şi coordonatorlu a aiştui evenimentu. Naima buna piesă di teatru fu aleaptă ‘Rosencrantz si Guildenstern suntu morţa’, ună producţie a Teatrului Maghiar ‘Csiky Gergely’ di Timişoara, tu reghia al Victor Ioan Frunză. Premiul ti regie fu durusit al Alexandru Dabija ti ‘Pyramus & Thisbe 4 you’ di la Teatrul Odeon di Bucureşti. Alexandru Dabija bâgă tu sţena multi spectacoli tu văsilie şi tu xeani, dimi cata cum Bruxelles şi Berlin. Virginia Mirea şi George Mihaiţă, cari gioacă tu spectacolu ‘Casa Zoikăl’ei’, regizat di Alxeandru Tocilescu la Teatrul di Comedie di Bucureşti, loară premiili ti naima bun’il’i actori tu roluri prinţipali. Naima bunlu actor tu rol secundar şi naima buna actriţă tu rol secundar fură alepţă Vlad Ivanov, ama şi Ana Ciontea, dol’i ţi gioacă tu piesa ‘Un duel’, regizata di Alexandru Dabija, ună producţie a Teatrului Naţional di Bucureşti. ‘Easti un moment speţial ti mini ti aţea că, aşi cum spunea aoa şi ndoi an’i un mari actor, actor mari ti faţi isnafi’, spusi Vlad Ivanov, cunuscut ş-ti rolu dit filmul 4 meşi,3 stămăn’i şi 2 dzăli, regizat di Cristian Mungiu şi tin’isit cu Palme d’Or la Cannes, tu 2007. Crina Semciuc lo premiul ti Nchisită, ti rolu Lena dit spectacolu ‘Leonce şi Lena’, giucat la Teatrul di Comedie dit capitală, iara Iuliana Vâlsan fu tin’isită cu premiul ti naima buna scenografie ti piesa ‘Herr Paul’, regizata di Radu Afrim. Naima bunlu spectacol di teatru radiofonic, adrat di postul public, fu aleptu “Ti senzaţia di elastiţitati căndu triţem pisti cufumi’ di Matei Vişniec, tu regia al Mihai Lungeanu. Ună altu premiu ăl’i si durusi tu arada a Galăl’ei Premiili UNITER al Radu Macrinici ti piesa ‘Jack Lunetistul’, luyursită naima buna piesă românească di dramaturgie a anlui 2009. Premiul di Excelenţa fu durisit anlu aestu a creatorlor dit spectacolu ‘Faust’ după Goethe, ncap cu regizorlu Silviu Purcărete, ună producţie a Teatrului Naţional Radu Stanca di Sibiu, ti impactul internaţional la Festivalu Edinburgh 2009. Textul: Leyla Cheamil Apridutearea: Tascu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International