Radio Romania International

Arhiva :

Alâxearea ali Constituţie
(2010-04-22)
Atea dit soni aspuneari: 2010-04-22 15:01 EET Print
Adoptată pi ayunie, la niţi doi an’i di la Revoluţia anticomunistă dit 1989, şi cu ândauâ alâxeri ma multu di cosmeticâ, tu 2003, aproapea di apruchearea tu NATO şi UE, Constituţia ali Românie şi-li spuni cafi dzuuâ, dzâc experţâl’i, xichili şi incoerenţili. N’iercuri, Guvernul PDL (pro-prezidenţial) - UDMR ari adoptatâ un proiectu di alâxeari a nomlui fundamental, iara şeflu a statlui, Traian Băsescu, lu pitricu ti avizari a Consiliului Leghislativ. Proiectul si thimil’iuseaşti pi aţeali dauă temi a referendumlului dit meslu brumar cirecuri di aligătorl’i cari au participatâ: triţearea la un Leghislativ unicameral şi apufusearea a unui numir maxim di 300 di parlamentari. Bruionlu constituţional apufuseaşti vadeluri maximi ti Parlamentu – nai multu un mes ti avizlu mutrinda organizarea a unui referendum şi 10 dzâli ta ş-u spunâ prit vot minduita andicra di un nou executiv şi di programlu di guvernari - şi scoati nafoară avizlu a parlamentarlor ti ânchisearea ali mutreari penalâ a miniştrilor. Pi ninga aestă, virtuala procedură di suspendari a prezidentului va s-hibâ dânâsitâ macă Curtea Constituţională apufuseaşti că aestu nu ari călcată nomlu fundamental. Premierll Emil Boc dzâsi că:“Guvernul li ufilisi prividerili constituţionali ta s-ânchiseascâ proiectul di alâxeari, pitricut a prezidentului ali Românie, ţi ari ândreptul s-lu pitreacă tu Parlamentu ti zburâri şi aprobari.” Reacţiili a partidilor andicra di iniţiativa guvernamentală furâ ma multu di nivriseari. Dit opoziţie, liderlu a PSD, Victor Ponta, califică aestu proiectu ca lişor. Câţe, dzâţi el, tamam la sesizarea PDL, Parlamentul votată, adrarea unâ comisie cari va s-lucreadzâ la alâxearea ali Constituţie: “Nu easti ananghi şi di un proiectu di la Guvernu. Ai ananghi icâ di unâ , icâ di alantâ. Domnul Boc nu avea hâbari.Noi avem adratâ unâ comisie la câftarea a partidlui pi cari dumnil’ia a lui lu cumânduseaşti.” Tu aradha a lor, liberal’i, lu luyursescu proiectul maş un punctu di ânchisită. Senatorlu PNL Teodor Meleşcanu vrea ş-ma diparti : “Parlamentu bicameral. Ş-tu ţi mutreaşti apufusearea a numirlui di parlamentari prit Constituţie easti, după părearea a mea, unâ grescâ di tehnică leghislativă.” Spusi ahântu limbid, obiecţiili ali opoziţie obligă presa s-bagâ oarâ că “PDL ari şansi n’iţ s-âl’i hibâ ândrupati tu Parlament pripunerli”: ari ananghi di votlu a nai puţân 66% di deputaţ şi senatori, ama nu ari câ maş t di 38% dit mandati. Autor: Bogdan Matei Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International