Radio Romania International

Arhiva :

Proiecti ti Giustiţia româneascâ
(2010-04-21)
Atea dit soni aspuneari: 2010-04-21 14:54 EET Print
Ministrul român ali giustiţie, Cătălin Predoiu, deadi aieri ti muabeti publicâu, un proiectu di nom lişurarea a procedurior şi ayun’iusearea a giudicăţlor. El pistipseaşti câ misurli pripusi, a curi lâ deadi numa “n’ica reformă”, va s-ducâ la realizarea a condiţiilor ti un actu di giustiţie ma corectu, ma limbid, ma ayun’iusit şi la nâscânti hărgi cama n’iţ ti cetăţen’ilor. Misurli au tu scupo em procesili civili, em procesili penali, cum şi faza di anchetă şi cercetari ţi li faţi parchetlu. Di nai ma importantili inovaţii pripusi tu aestu proiectu, ministrul Cătălin Predoiu adusi aminti: “...lişurarea a procedurlor di cl’imari, bâgarea ali obligaţie ti giudicător s-da vadeluri procedurali şcurti, s-di la unâ dzuuâ la alantă, lişurarea a procedurlor pi nivellu ali Analtâ Curti di Casaţie şi Giustiţie, pricunuştearea a stepsului, dimi darea nanaparti a nâscântor proceduri cari cu triţearea a chirolui agiunsirâ un âmbodyiu ti aflarea a averlui”. Alti alâxeri preconizati di noulu proiectu di nom suntu pâltearea a hărgilor di giudicată di procesoman’i, ta s-ascadâ numirlu mari di sesizări fârâ thimel’iu a organelor di mutreari penalâ, şi ascâdearea a numirlui di căl’iuri di atacâ ţi pot s-hibâ acâţati contra a apofasilor pronunţati di Giudicătorie. Ministrul ali Giustiţiei pricunoaşti că, di disfunctionalităţli majori tu dumeni, nai ma sertu criticatâ easti ayălisearea cu cari s-bitiseaşti giudicarea şi procedurli giudiciari multu ayâlisiti, formalisti şi hârgiuitoari. Ministrul Cătălin Predoiu spuni ca adoptarea aiştor misuri ândreadzi intrarea pi lucru a nalilor Coduri, Civil si Penal, promulgati di przidentul ali Românie, anlu ţi tricu. ”Ândridzem intrarea pi lucru a Codurlor, avânda tu videari şi factul că sistemul easti aproapea s-agiungă mardzina a funcţionaril’ei, di itia a xichil’ei di personal, andicra di criştearea a volumlui dit dosari pi rol”. Critiţli aiştor misuri pruved, ama, pi ningâ aspectili pozitivi avuti tu scupo di aesti misuri şi nâscânti idei cu piricl’u. Unâ di pruviderli controversati easti nialâsarea la suspendarea executarl’ei a pidepsilor ti nâscânti stepsuri di aruşfeti. El’i luyursescu câ easti anormal ca unâ persoanâ cari l’ia unâ aruşfeti n’ică s- facâ ahapsi, iara un politician cari ş-u ufiluseaşti abuziv funcţia, ş-aşi amintâ sumi dio prima-nsus, s-amintă maş unâ pideapsâ cu suspendari. Autor: Valentin Ţigău Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International