Radio Romania International

Arhiva :

Mandatlu ali Românie la Bruxelles
(2012-11-21)
Atea dit soni aspuneari: 2012-12-12 13:53 EET Print
Parlamentul ali Românie adoptă unâ rezoluţie prit cari u spuni maxutarcu a ljei minduitâ andicra di bugetlu ali Uniuni Europeani tră 2014-2020. Tru textul adoptat fârâ vinita a PDL (di opoziţie), cari lugursi adunarea ca hiindalui un lucru di campanie electoralâ, s-cundilieadzâ că, la pâzârâpserli di Bruxelles, România lipseaşti tra s-cilâstâseascâ tră tin’isearea a criteriilor di thimel’iu mutrindalui solidaritatea, n’icşurarea a decalajlui economic şi criştearea a convergenţâl’ei anamisa di statili membri. Parlamentul româ lugurseaşti că pripunirea a prezidentului a Consiliului European, Herman Van Rompuy, di n’icşurarea a bugetlui, nu yilipseaşti scupadzl’I mutriţ di România. Ligat di aestâ, Bucureştiul ari dauă furn’ii di thimel’iu di niifharistuseari. Ministurlu tră Afaceri Europeani, Leonard Orban spusi că easti zborlu, prota ş-prota ti, corelarea faptâ tră politica di coeziuni, anamisa di alocărli dit yinitorlu buget şi rata di absorţie a fondurlor europeani dit actualu buget european, apofasi ţi mutreaşti maşi România. Leonard Orban: “Aestă pripuniri, aşi cum sâ spuni tru aestâ oarâ, easti pân tru soni discriminatorie contra a unui stat membru şi easti incorectă. “Ministurlu exighisi că România nica easti niifharistusitâ ş-di n’icşurărli pripusi tră agricultură, cari zn’iipsescu pâlterli directi tră fermieri. Maca aşi şed lucărli, s-bagâ ntribarea desi Romania va s-ufiliseascâ ndreptul di veto. România, lugurseaşti prezidentul Traian Basescu, easti tru piricl’iul tra s-chearâ la pâzârâpseri ma s-bagâ zori/fuvirseascâ cu exercitarea-a ndreptului di veto cari spusi: ”Sinferlu ali Românie easti s-pâzârâpseascâ bugetlu. Ma s-nchisim cu ideea di veto, him nafoara a pâzârâpserlor. Vârnu nu ari s-nâ caftâ şi va s-veadâ tru soni desi va s-băgăm icâ nu vula ti veto, câţe nu maşi noi avem anangi di aliaţ, câ şi alţâl’ii au ananghi di noi ti andruparea a punctilor di videalâ. Iara România, ca a şaptea vâsilie, ari axizearea di pâzârâpseari.” Punctul a lui di videalâ nu easti andrupât, ama, di premierlu Victor Ponta a curi minduită, nai ma puţăn tru un punctu, s-amparti di aţea a caplui a cratlui. Victor Ponta spusi: “Sinferlu naţional ali Românie nu poati s-hibâ niţi pâzârâpsitu, niţi băgatu ti vârâ compromis, aşi cum caftâ prezidentul. Minduescu că borgea a noastră easti s-nâ avigl’em sinferurli legitimi şi s-him unâ vâsilie tin’isitâ, ţi s-hibâ acâţatâ tru isapi tru scarâ europeanâ.” Cu unâ dzuuâ nâintea a Consiliului European ndreaptâ tră adoptarea a bugetlui pi 2014-2020, s-asteaptâ pâzârâpseri greali tră aţeali 27 di craturi membri, iara ideea a unui eşec easti tut ma multu acâţatâ tru isapi. Textul: Valentin Tigău Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International