| Amintări ti sportul românescu |
| (2010-04-19) |
| Atea dit soni aspuneari: 2010-04-19 13:52 EET |
Sportul românescu nu putu sâ s-alavdă, tu chirolu dit soni, cu mări performanți. Cu ahât ma puțâni furâ dzâlili cându două performanți di analtu nivel vinirâ unâ pisti alantâ. Prota amintari fu a pugilistului Lucian Bute, cari și-u pâstră, dumânică, centura di campion mondial ali categoriei superdimesi, versiunea IBF. Montreal, românlu avu ananghi di maș trei reprizi tu mecilu cu columbianlu Edison Miranda ta ș-u spunâ diznou supremația pi nivel mondial. Buti lu agudi di napandica adversarlu cu un upercut di stânga tu gruniu lu-arcâ âmpadi pi columbian, ti prota ș-ațea dit soni oarâ tu aestu meci. Tu exclusivitati ti Radio România, Lucian Bute declară: Mi ândrepșu multu ghini. Am lucratâ doi meși tu Florida cu antrenorlu Stephane Larouche. Am studiatâ multu ghini adversarul și tu aestâ seară ieși tamam cum vream mini. Am lucratâ multu di multu cu atsel upercut di stânga și iși perfectu. Am tinisitâ strateghia di meci. Vă dzâc hatristo a tutulor cari earaț ninga mini. Tu iliche di 30 di ani, Bute s-alumtă, ca profesionistu, 26 di meciuri, di cari nu chiru niți un. Ma multu, 21 furâ amintati prit KO. Românlu s-ari remarcatâ ti protă oarâ tu 1997, la juniori, cându lu amintă protlu a lui titlu di campion național. Și-lu păstră titlu tu 1998, an tu cari amintă și bronzul la Mondialili di Buenos Aires. La seniori, amintă unâ medalie di bronzu la Mondialili di Houston, tu 1999. Dit 2004, Lucian Bute ari tricutâ la profesionismu. Tu 2007 agiunsi campion mondial ali versiunii IBF la superdimesi după ți lu-azvimsi prit KO tehnic pi ațel ți lu avea bârnul, columbianlu Alejandro Berrio. Di atunțea și-lu apâră bârnul tu ma multi arădz. Alantă mari performanță a dzuuălei vini dit handbal. Pareia feminină Oltchim Râmnicu Vâlcea s- califică tu finala a Ligălei a Campionilor, după ți u azvimsi formația maghiară ETO Gyor. Easti ti prota oară după transformarea a Cupâlei a Campionilor Europeni tu Liga a Campionilor cându unâ pareie românească agiundzi tu finala ali competiție. TRu câsâbălu Râmnicu Vâlcea, featili antrenati di Radu Voina azvimsiră cu 24 la 20, după ți, cu unâ stămână ma ninti , tu Ungarie, scorlu eara isa, 25 la 25. S-lu avdzâm pi antrenorlu Radu Voina.: Pistipsescu că easti unâ mari performanță a featilor, cari au demonstrată că au clasă. Importantu easti că n-avem calificată și easti lucrul nai ma mușat. Maca tut him aoa, va s-cilâstâsim ș-ma multă harauă a aților ți lu vor handballu. Tu finală, Oltchim va s-agioacâ contra ali pareie ți lu tâni tora trofeulu a Ligălei a Campionilor, pareia daneză Viborg. Dauăli formații au avutâ dauă meciuri tu sezonlu di tora ali competiție. Vâlcea, tu meslu șcurtu, amintă Oltchim, cu 27 la 26, iara tu Danemarca, Viborg amintă tu meslu marțu cu 33 la 26.
Autor: Florin Orban
Apridutearea: Irina Paris Naum
|
2025-04-03
Print
Puteț s-avdzâț căndțido