Radio Romania International

Arhiva :

Corupţia şi telejustiţia
(2010-04-13)
Atea dit soni aspuneari: 2010-04-14 17:56 EET Print
Protlu magistrat ali Analtâ Curti di Casaţie şi Justiţie di Bucureşti arestat vârnâoarâ, Florin Costiniu, lo luni, unâ hâbari bunâ şi unâ slabă. Hâbarea slabă mirindi oarâ, Consiliul Superior ali Magistraturâ lu suspendă dit funcţia di giudicător la instanţa supremă. Aţea bună easti că, câtâ niadzâ-noaptea unâ instanţă adratâ dit colegan’il’i a lui di la Curti âl’i sâlâghi dit arestu em pi Costiniu, em pi emburl’i Costel Căşuneanu şi Marius Locic. Giudicătol’i li apruchearâ recursurli contra a deţiziil’ei di arestari preventivă tu dosarlu iu a tutulor lâ si bagâ stepsu ti aruşfeti, deadun cu senatorlu social-democrat Cătălin Voicu, singurlu armas tu arestu. Procurorli di la Departamentul Naţional Anticorupţie, dzâc că Costiniu zburâ , la câftarea al Voicu, cu colegan’il’i a lui di la Analta Curti s-da apandasi favorabilâ tu un dosar al Căşuneanu. Idyiul Voicu să spuni că lo di la Locic, mutrit ti arâdeari, echivalentul a vârâ 30 di n’il’i di euro ta s-amintâ di la Poliţie niahurhearea ali mutreari penalâ. Tora, ti Costiniu, Locic şi Căşuneanu, misura ali arestari preventivâ fu alâxită cu interdicţia s-fugâ dit vâsilie. Tu media, cari, di săptămân’i buni, dişcl’idi jurnalili di hâbări şi umpli prota pagină a jurnalilor cu episoadi din varianta autohtonă a cunuscutlui serial “Caracatiţa”, ti Mafia italiană, sentinţa fu unâ ciudie. Cotidianul EVENIMENTUL ZILEI aduţi aminti că, stămâna ţi tricu, când trio-ul eara pitricut tu arestu, instanţa avea dzâsâ că altâ turlie “român’il’i va ş-chearâ pistea pi magistraţ.” Ma multu el’i dzâsirâ ş-câ Locic “ignoră aradha di dreptu şi easti etim sâ ş-ăndreagâ problemili ancupârânda influenţă.” Ti completlu di giudicâtori di niadzâ-noaptea, motivaţiili dit ahurhitâ s-pari câ nu mata furâ buni. Armâni, ama evidenţa, atestată di sondajili sociologhiţi, că opinia publică românescă easti sâtulâ di aestâ telejustiţie, asezonată cu arestări spectaculoasi, ufilisiti di camerli TV, dupu cari s-fac sâlâgheri afiriti şi condamnărli suntu amânati sine-die. Şi, pi di altă parti, nu mata ari ici pisti pi instituţiili fundamentali a statlui. Em Parlamentul, iu Voicu easti la doilu mandat di senator, em Justiţia, iu Costiniu (cipitlu ali ironie, autor a unui manual di eticã ti magistraţ!) eara cotat ca un di nai ma chischin’il’i giudicători, suntu pi locurli di nghios pi scara a pistil’ei a român’ilor. Tora, remake-ul românescu ali “Caracatiţâ” nu faţi altâ câ u lâiaşti ş-ma multu aestâ percepţie. Autor: Bogdan Matei Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International