Radio Romania International

Arhiva :

Năili turlii di amaxi Dacia, "arcati" pi pâzarea românească
(2012-11-14)
Atea dit soni aspuneari: 2012-11-14 13:21 EET Print
Năili turlii di amaxi Dacia, arcati pi pâzarea românească Nai ma marli producator auto dit Românii, compania Dacia Piteşti, ţi adarâ parti dit gruplu francez Renault, lansă marţâ Bucuresti trei turlii di amaxi cu multu cama buni di alanti - Logan, Sandero şi Sandero Stepway. Renault va s-aibă nica unâ oarâ succeslu ţi lu avut cu Logan, unâ amaxi cari, di la lansarea a ei tu 2004, s-vindu tu cama di un milion di bucăţ pi 60 di pâzâri di pi patru continenti. Năulu Logan easti vidzut ca unâ amaxi di fumeal’i multu accesibilâ, ama şi multu elegantâ. Tutnâoarâ, naua turlii di Sandero easti 'unâ amaxi di câsâbă compactâ, şi modernâ', iara Sandero Stepway s-aleapsi cu titulaturile di 'modern, dinamic şi atrăgător'. Pâhadzii ahurhescu di la 6.690 euro cu TVA (tu cazlu Logan), 6.990 euro (ti Sandero) şi 12.200 euro (turlia diesel Sandero Stepway). Unâ premierâ suntu năili motoari pi benzinâ TCe 90 şi Diesel, şi ini cu cama multâ harauâ la volan, ama şi cu unâ n’icşurari susto a consumului di carburant. Uidisit cu constructorlu auto, Logan, Sandero şi Sandero Stepway dau unâ cama mari siguranţâ, maxus unâ oarâ cu bâgarea a airbagurilor laterali şi a sistemului di control ali traiectorii, ESP. Prota oarâ pi turliili Lodgy şi Dokker, sistemlu Media Nav easti bâgat tora şi pi năili generaţii di la Dacia. Aestu ari un ecran tactil color di 18 cm şi mai ari, pi ninga aparatlu radio, un sistem Bluetooth ţi da cali la ascultarea di muzicâ tu audio streaming icâ pitriţearea di un apel telefonic prit hands-free. Logan, Sandero şi Sandero Stepway yin şi cu alti lucri năi, dupu nivelu di echipament ţi lu ari cathi un: limitator şi regulator di vitezâ, asistenţâ la parcarea cu spatili, direcţii asistatâ generalizată, ama şi aţea dit soni funcţii Eco Mode, cari adarâ consumului di carburant s-hibâ optim, uidisit. Aesti tuti trei amaxi di la Dacia va s-intrâ ayoniea pi nai ma multili pâzări auto. Eali va s-hibâ adrati la uzina di Mioveni, tu Românii, ama şi tu Maroc, ţi va s-hibâ unâ poartâ di dişcl’ideari ti Africa. Gama Dacia easti vidzutâ di specialişţâ ca hiindaei nai ma tinirâ dit Europa şi tutnâoară, nai ma dinamicâ marcâ dit Europa, vinderli a ei di cathi cricândalor di optu ori întrâ an’ii 2005-2011. Uidisit cu datili ofiţiali, dit 2004 pânâ tu giumitatea aestui an, furâ vinduti tu tutâ lumea, cama di dauâ milioani di vehiculi. Ti 2013, Automobile Dacia Renault îndreadzi dauâ năi urnechi di amaxi, un break şi unâ camionetă. Armâneaşti : Cristina Mina

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International