Radio Romania International

Arhiva :

Va s’lia România bughet suplimentar di la UE?
(2012-11-14)
Atea dit soni aspuneari: 2012-11-14 13:19 EET Print
Va s’lia România bughet suplimentar di la UE? Cu unâ stâmânâ nâintea a summit-lui european, iu va s-adarâ moaubeţ ti bughetlu comunitar, criscurâ andamuserli – ahât aţei ţi andrupăscu limitarea a hărgilor, ama şi aţei ţi nu aproachi ca pâradzl’ii di coeziuni - ti vâsâliili nai ma niagiumti - s-deconteadzâ pâltearea ali austeritati, a strândzearâl’ei, caftâ baia strateghii di achicâseari. "Soţl’ii ali coeziuni" - unâ alianţâ adratâ dit 14 di vâsâlii, plus Croaţia, dit cari faţi parti şi România - ţi dzâc că pâradzl’ii ti dezvoltarea a statilor comunitari cama lai s-toarnâ indirect şi la aţeali multu dezvoltate, s-adunarâ Bruxelles, iara proţl’ii contributori la pâradzii bâgaţ la dispoziţia ali Comisii Europeani şi a Parlamentlui European poartâ moaubeţ şi ei, ama ahoryea. Comisia pripusi tu meslu Alunar un proiect di bughet di 1.033 di miliardi di euro ti chirolu 2014-2020, lucru ţi da cali la unâ crişteari di vârâ 5% andicra di chirolu 2007-2013. Aestâ pripuneari nu fu apruchiatâ di cana dintrâ aesti şapti vâsâlii: Marea Britanie, Franţa, Germania, Olanda, Finlanda, Suedia şi Austria – tuti dealihea contribuirâ şi îndrupârâ unâ n’icşuarari greau a yinitorlui bughet, uidisit cu meatrili di austeritati dit statili membri. Tut uidisit cu aestâ pripuneari, politica di coeziuni va s-l’ia 339 di miliardi di euro - lucru ţi easti minim di apruchiat, dupu cum dzâc vâsâliili comunitari ţi beneficiadzâ di aeşţâ pâradz. Ama prezidentul cipriot ali Uniuni vini cu unâ pripuneari di n’icşurari a pâradzlor ti coeziuni la vârâ 326 di miliardi di euro. Exyisindalui că easti soţ şi cu "Soţl’ii ali Coeziuni", ama şi cu gruplu a vâsâliilor ţi dealihea da pâradz, prezidentul ali Comisii Europeani, José Manuel Barroso, gri câtâ statili membre ali Uniuni: „Grescu nica unâ oarâ câtâ liderl’ii europen’i s-treacâ pisti aesti dit soni niachicâseri şi s-agiundzem deadun la unâ moaubeti la summit-lu ahoryea di stâmâna ţi va s-yinâ; dapoaia, deadun şi cu Parlamentul European pânâ tu inşita a anlui. Pistipsescu că easti un lucru di marii simasii ti Europa şi easti tutnâoarâ ghini ca Europa s-aratâ că ş-li’a angajamentul tu favoarea ali coeziuni, a investiţiilor, ama şi ti criştearea icunumicâ, di cari s-hârseascâ tuţ cetăţen’ a ei.” Moaubeţli suntu greali câ ţe lipseaşti s-hibâ câftatâ unâ soluţii cari s-armonizeadzâ politici di alti turlii, dzâţi şi premierlu Victor Ponta. Reprezentant ali Românii la adunarea di marţâ di Bruxelles, el spusi că Bucureştiul va suplimentarea a pâradzlor europen’i ti politica agricolâ deadun şi di coeziuni. „România va s-adarâ cama buni, paralel, şi putearea administrativâ ta s-nu chearâ nica unâ oarâ dit pâradzii ţi îi furâ daţ”, mai dzâsi Ponta. Armâneaşti : Cristina Mina

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International