Radio Romania International

Arhiva :

Nali protesti sociali
(2010-04-12)
Atea dit soni aspuneari: 2010-04-12 12:00 EET Print
Tu Romanie, sindicaliştil’i dit educaţie ahurhescu săptămâna cu un nou bair di protesti. Reprezentanţâl’i ali Federaţie a Sindicatielor Libiri dit ânviţămintu au apufusitâ s-picheteazâ sediili a Guvernului şi a ministerlui ali Educaţie şi spun că protestieli va sâ s-aducâ ninti pân di işita a meslui. Profesorl’i suntu yinâtusiţ că lâ scâdzu amintaticlu şi că, dit meslu yizmăciun, vârâ 17 di n’il’i di lucrători dit ânviţămintu va s-hibâ scoşi di pi lucru. Un referendum tu arada a membrilor di sindicat ali Federaţie a Sindicatilor Libiri, tu cari aeşti lipseaşti ş-u spunâ minduita desi vor s-ânchiseascâ greva gheneralâ tu meslu cirişar, va s-hibâ organizat pân di 30 di apriir. Unâ eventuală grevă ghenerală tu prota parti a meslui, poati s-ducâ la niâncl’idearea ali catandisi şcolarâ şi, implicit, la ângl’iţarea a anlui. Pi di altă parti, cadrili didactiţi dit judeţlu Buzău (sud), suntu tu grevă di la giumitatea a meslui marţu ti nidarea a adâvdzerlor di 33 tru sută amintati tu instanţă, apufusirâ sâ s-troarnâ la lucru. Tu chirolu a aţilor patru săptămân’i tu cari profesorl’i nu vrurâ s-ţânâ lecţii furâ organizati acţiun’i di protestu pi sucăchi, mitinguri şi pichetări ali Prefecturâ şi a Inspectoratlui Şcolar Judeţean. Au participatâ piesti patru n’l’i di cadri didactiţi dit judeţ, cum şi reprezentanţâ a sindicatilor dit înviţămintul preuniversitar dit alti 15 di judeţi. Şi lucrătorl’i a oficiilor di Cadastru şi Publicitati Imobiliară işiră pi sucaci dinintea a nâscântor oficii judeţeni, yinâtusiţ că l-au scădzutâ amintatiţli tu meslu şcurtu şi că nu lâ si pâlteascu cama sihăţli di lucru pisti program. Lucrâtorl’i di la cadastru deaditrâ hâbari că, dit aestă săptămână, va s-lundzeascâ chirolu di di lucrari a actilor, şi di aestâ itie va s-aibâ zn’ie Programlu "Prota casă", ţi fu adrat ti tinirl’i cari nica nu au unâ casă iu s-bâneadzâ. . Autor: Daniela Ştefănescu Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International