Radio Romania International

Arhiva :

Un nou START
(2010-04-09)
Atea dit soni aspuneari: 2010-04-12 12:07 EET Print
“Unâ cheatrâ di sinur tu lumea di după polimlu araţi, unâ nauâ ahurhitâ” – lu luyursi liderlu amirican Barack Obama noulu tratat START simnat, gioi, Praga, cu omologlu a lui rus, Dmitri Medvedev. După ţi documentul va s-intră pi lucru, tu un chiro di 7 an’i dauli vâsilii va ş-li ascadâ cu 33% arsenalili nucleari. Năulu tratat, cari vini dupâ aţel ţi s-bitisi tu meslu andreu, easti unâ cali di mesi rezonabilâ la cari nu s-agiunsi lişor, adusi aminti prezidentul rus, Dmitri Medvedev, cari şi spusi minduita că prit aestu angajamentu ântreaga lumi va s-amintâ, câţe securitatea pi nivelu a întreagâl’ei lumi va s-ânvârtuşeadzâ. Nai ma importantul lucru, pistipseaşti Medvedev, easti că nu avem un azvingâtor icâ un azvimtu, ama him tu unâ situaţie hâirlâticâ ti dauâli părţâ, win-win. Tu aradha a lui şeflu a Executivlui amirican, Barack Obama, dzâsi câ START 2 reprezintă unâ jgl’ioatâ ninti câtâ unâ lumi fără armati nucleari. Liderlu di la Casa Albă preţiză, tu idyiul chiro, ligat di Iran, că aţel’i cari li calcă regulili va li tragâ consecinţilie. “Nu putem s-încl’idem ocl’il’i tu ţi mutreasţi Teheranlu”, dzâsi şi prezidentul Medvedev, cari ândrupaşti ideea ti eventuali “pidepsi intelighenti”. Pi di altă parti, Rusia preţiză că ş-lu ţâni ândreptul ta s-iasâ dit tratat maca va s-ducheascâ câ easti fuvirsită di sistemili di apărari antirachetă ţi li apufusi Washingtonlu deadun cu nâscânţ soţ europen’i. Un di el’i hiinda ş-România. Prezidentul român, Traian Băsescu, călisitu aprindu evenimentul di Praga la ună ţină di lucru cu Barack Obama, deadun cu alţă lideri dit Europa Centrală şi dit Estu, hiritisiră apofasea a aţilor dauă stati ta ş-n’icşureadză arsenalili nucleari: “Easti un mari progres ti asiguripseareaa a securitatil’ei a continentului european şi alti regiuni a lumil’ei, caţe Acordul START 2 ari tu scupo prota ş-prota n’icsurarea cu aproapea 30% a armamentilor nucleari dit arsenalili a aţilor dauă nai ma mări puteri nucleari a lumil’ei - Stateli Uniti şi Federaţia Rusă”. Securitatea europeană easti, aşi cum spuni caplu a statlui român, un lucru di mari sinfer. Traian Băsescu: “Tu aţea ţi mutreaşti securitatea europeană, suntu acăţati tu isapi ună turlie ahoryea, vahi tu Europa, ună turlie, şi veadi securitatea când ai sinurli la Atlantic şi altă turlie cându ai sinurli la Amarea Lae. Nchisindalui di la premisa a pistusinil’ei ţi u avem viţin’il’i a noşţa, minduim că lucărli lipseaşti s-hibă minduiti pragmatic şi tu ună acutotalui sigurlăchi. Cându easti zborlu di securitati, niţi un lider politic nu ari ndreptul ta s-adară vără concesie, căte eali pot ta s-hibă păltiti di multi naţiun’i”. Textul: Corina Cristea Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International