Radio Romania International

Arhiva :

UN AVERU TUT MA DIPÂRTOSU
(2007-06-21)
Atea dit soni aspuneari: 2007-06-21 13:10 EET Print
Curtea Constituţională ali României apufusi câ instrumentarea di magistraţl’i militari a nâscântor dosari tu cari suntu mintiţ civili easti niconstituţionalâ. Decizia a fost luata dupâ ţi instituţia adusâ aminti fu sesizatâ tu ligâturâ cu proţeslu a nâscântor furi di benzinâ, unâ parti civil’i, alţâ militare, tuţ hiinda giudicaţ di procuratura militarâ. Ama apofasea a Curtil’ei Constituţionalâ va s-aplicâ ş-la nâscânti dosari multu importanti tu cari cercetărli furâ coordonati di un procuror militar, gheneralul Dan Voinea, şi tu cari prinţipalul urmărit easti prezidentul di ma ninti ali Românie, Ion Iliescu. Easti zborlu ti dosarili mutrinda curbăn’ili ţi s-feaţirâ tu chirolu ali revoluţie anticomunistâ dit andreu 1989 şi a raidului ţi-l feaţirâ minerl’i dit Valea a Jiului Bucuresti tu cirişaru 1990. Prezidentul di la unâ di asociaţiili a revoluţionarlor, cu numa "21 di Andreu 1989", Teodor Mărieş, dzâţi câ dupu aestâ deţizie, finalizarea aiştoru dosari va s-hibâ amânatâ multu di multu, di itia câ va s-hibâ pitricuti la nâscânţ procurori civili. Ma multu, Mărieş dzâţi câ: "Esti aproapea inevitabil ca acşti oamin’i s-l’ia unâ deţizii pseftâ, unâ deţizii cari practic lu duţi chirutu lucurlu a vârâ 5.000 di revoluţionari cari furâ audiaţ tu aesti dosari şi ali parei ântreagă di procurori, ş-arâdi di pâradzl’i a statlui hârgiuiţ tu aesti dosari aproapea finalizatie. La cumandu politic fu datâ apandisea a Curtil’ei Constituţionalâ, 100% cu unâ hâtâri faptâ al Ion Iliescu." Respectiva organizaţie a revoluţionarilor cilâstâsi multu ta s-u âncheadicâ deţizia ali Curti Constituţionalâ. Ahâtu multu câ Curtea sâ spusi "ciudusitâ" di fuvirserli, intimidărli ş-alti presiun’i fapti contra a l’ei di asociaţia al Mărieş şi di alti organizaţii ali societati civilâ. Cum ţi s-hibâ apofasea a Curtil’ei Constituţionalâ easti zori s-hibâ cutuyursitâ maca s-l’ia tu isapi câ ari unâ deţizii ma veacl’ie a Curţil’ei Europeanâ a Ânrepturlor a Omului cari feaţi timbihi câ procurorlu militar nu poati s-umplâ tu Românie criteriili di obiectivitati câftati di nomu, câţe ari unâ subordonari diplo, pi di unâ parti andicra di Ministerlu Public şi Ministerlu ali Justiţiei ş-pi di altâ parti, andicra di Ministerlu ali Apârari Naţionalâ. Aşi câ, aproapea finalizati di Procuratura Militara, dosarili ali revoluţie si mineriadâ va s-hibâ dati la procurori civil’i cari pot s-l’ia tu isapi icâ nu documentili şi declaraţiili existenti. Şi maca va s-luyurseascâ valabil tutu materialu probatoriu adunatu pânâ tora, tut va s-aibâ ananghi di baia chiro ta s-li studiazâ aţeali 256 di volumi existenti tu cari ari plândzerli a pisti 1000 di părţâ ţi trapsirâ şi depoziţiili di la ma multi n’il’i di marturi. Autor: Mirel Rădulescu Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International