Radio Romania International

Arhiva :

Un sinur dit Europa 01/04/10
(2010-04-01)
Atea dit soni aspuneari: 2010-04-08 13:49 EET Print
Doxa al Dumnidză agiunsi ş-omlu di aradhâ s-adunâ aroadili a normalizaril’ei tu ligâturli anamisa di România şi Ripublica Moldova viţinâ (ex-sovietică, majoritar românofonă). Condamnaţ la ghetoizari di izolaţionismul şi românofobia viscerală a aţil’ei di ma ninti puteari comunistâ dit an’il’i 2001 -2009, cetăţen’il’i moldoven’i vidzură zori s-aşteaptâ pânâ toamn a ţi tricu intrarea pi lucru a nauâl’ei administraţie pro-occidentalâ ta s-duchească ma aproapea di Europa. N’iercuri, Chişinău, premierlu român Emil Boc şi omologlu a lui Vlad Filat deadirâ protili permisi cari lâ da izini a cetăţen’ilor moldoven’i s-intrâ tu Românie fără vizi. Acâchisearea mutrinda n’iclu trafic la sinur spuni câ di aestâ misurâ s-hârsescu aţel’i cari bâneadzâ la nai multu 30 di kilometri di sinur, iara numirlu a virtual’ilor beneficiari treaţi di unâ miliuni, dimi un cirec dit populaţia ali ripublicâ. Până la apruchearea ali Românie tu Spaţiul Schengen, permiseli va s-hibâ sâlâghiti fârâ pâradz, ama dapoia poati s-hibâ bâgati taxi ma sâ spunâ reglementărli europeani. Premierlu Boc sumcundil’ie că bâgarea tu practichie ali acâchiseari (TRACK): “Easti maş unâ priotă jgl’ioatâ cari va s-hibâ dusâ nâinti ş-di alti proiecti comuni ţi li avem ânchisitâ deadun cu Guvernul ali Ripublicâ Moldova. Tutnâoarâ ândreapsim lucârli ti simnarea ali acâchiseari di âmprumut nirambursabil di 100 di miliun’i di euro ti Ripublica Moldova, cari easti unâ participari a noastră la ândruparea ti infrastructura di transportu şi ti infrastructura dit şcol’i, unâ mârtirie di colaborari concretă luânda tu isapi bunili ligâturi ţi li avem. Şi, sigura, nu va s-dânâsim maş la aesti lucri. România fu, easti şi va s-hibâ un ândrupâtor nicondiţionat ali cali europeanâ ali Ripublicâ Moldova.” Tu aradha a lui, şeflu a Cabinetlui di Chişinău s-ari hiritisitâ ti naua jgl’ioatâ nâinti tu ligâturli bilaterali, ama sumcundil’ie câ marea amintari a aiştor meşi easti amintarea diznou a pistil’ei.. Vlad Filat : “Pistipsescu că nai ma importantul lucru ţi lu-avem adrată deadun fu aţea câ nâ turnăm la normalitati.” Tut n’iercuri, fu apufusită naua acăchiseari di colaborari tu dumenea ali educaţiei, cari va s-hibâ simnată tu işita a aiştui mes, unâoară cu vizita Bucureşti a prezidentului interimar ali Ripublicâ Moldova, Mihai Ghimpu. Acâchisearea pruveadi priecunuştearea tu Românie a diplomilor emisi di instituţiili di înviţămintu dit statlu viţin, dişcl’idearera di noi filiali a universităţlor di stat româneşti tu prinţipal’i câsâbadz ali Ripublicâ Moldova şi darea a 5000 di bursi a tinirlor moldoven’i cari studiazâ tu Romanie. 010410 Autor: Bogdan Matei Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International