Radio Romania International

Arhiva :

Premiili ali cinematografie româneascâ
(2010-03-30)
Atea dit soni aspuneari: 2010-03-30 13:51 EET Print
"Poliţistu, adjectiv”, tu regia al Corneliu Porumboiu, fu luyursit Nai ma bunlu filmu di lungumetraj la a patra ediţie a Galâl’ei a Premiilor Gopo. Aestâ peliculâ li amintă nai ma mportantili trofei ali galâ: Nai ma bună regii şi Nai ma bunlu scenariu, dauâli simnati Corneliu Porumboiu, Nai ma bunlu actor tu rol principal (Dragoş Bucur), Nai ma bulu actor tu un rol secundar (Vlad Ivanov) şi Nai ma buna imagini (Marius Panduru). “Pistipsescu câ am loatâ para multi premii. Eara multi filmi buni, multi cari nu au intratâ tu competiţie. Am nâdia câ va s- putem s-adrăm şi alti filmi tu condiţii normalie”,a declară regizorlu Corneliu Porumboiu. Ahurhinda dit 2007, Premiili Gopo li tin’isescu nai ma importantili realizări cinematografiţi romaneşti dit anlu dima ninti precendent şi îşi pripun s-li promoveazâ valorli dit aestâ dumeni tu aradha a unui public cât ma mari. Organizat di Asociaţia ti Promovarea a Filmului Românescu, cu ândruparea a Chentrului Naţional ali Cinematografie, evenimentul âşi lo numai ti tin’isearea a marilui cineastu român Ion Popescu Gopo, ţi amintă Cannes tu 1957 premiul Palme d’Or ti şcurtumetrajlu “Şcurtă istorie”. Oana Răsuceanu, coordonatorea a Premiilor Gopo, easti optimistă tu aţea ţi mutreaşti cinematografia româneascâ şi ari nâdie câ şi aestu evenimentu va s-agiută la vizibilitatea a l’ei.”Avem nâdia ca realizatorl’i di filmu românescu să agiungă s-hibâ cunuscuţ di cât ma mulţâ român’i, pi cari să-l’i cândâseascâ că faţi să s-ducâ câtâ cinematografili iu rulează filmu românescu. 2010 s-pari câ va s-hibâ spectaculos di punctul di videari al premierilor cinematografiţi, tut aşi cum şi 2009 fu un an multu bun. Furâ 16 di premieri, şi 12 di eali furâ nominalizati la Premiili Gopo. Pistipsim că filmul românescu ari ananghi di aprecierea a publiclui şi a specialiştilor ditu xeani ama, maxus, ari ananghi di aprecierea a publiclui românescu.” Premiili Gopo au tin’isită di şi mări personalităţ ali cinematografie româneascâ. Draga Olteanu-Matei, unâ di nai ma vrutili figuri ali filmului românescu, distribuită tu 90 di filmi di lungu metraj, fu premiată la actuala ediţie.” Mi emoţionează multu di multu, căţe mini lu-am cunoscutâ pi marli cineastu Ion Popescu Gopo. Şi factul că aestu premiu ari numa Gopo easti unâ mari tin’ie ti tută lumea. Nu mi aştiptam şi mi hârsescu multu di multu ti aestu premiu. Suntu multu impresionată.”Tut cu Premiul Gopo ti întreaga activitati fu tin’isit şi sţenaristul, profesorlu şi teoreticianlu Dumitru Carabăţ. ”Câtâ unâ poetică a sţenariului cinematografic” şi „Studii di tipologie filmică” sunt dauă dintri titlurili cari âl’i poartă simnătura. Autor: Corina Sabău Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International