Radio Romania International

Arhiva :

Nom şi educaţie
(2010-03-29)
Atea dit soni aspuneari: 2010-03-30 8:59 EET Print
Proiectul a nouluii nom ali educaţiei nationalâ, asumat di Guverni si cari lipseaşti s-hibâ votat di Parlamentul ali Romanie după dauă stâmân’i di muabeti publicâ, pruveadi un ânviţâmintu cu 5 clasi di ghimnaziu şi trei clasi di liceu, bacalaureat bazat pi probi transdisciplinari, maximum 20 di sihăţ di şcoalâ ti clasili I-IV şi nai multu 25 di sihăţ ti clasili V-VIII. Pi ningâ ifculii cum bileti cama ieftini cu 75% ti elevi la filmi şi conţerti, nomlu pruveadi şi pidepsi ti pârinţâl’i cari nu au angâtan taifa. Cu tuti câ alâxerli ţi li aduţi noulu nom a ânviţâmintului suntu luyursiti buni di nâscânţâ profesori, alţâ luyursescu câ para multi alâxeri maş mintescu lucârli, em ti elevi, em ti profesori. Noulu nom ali Educaţiei, minduit di ministrul di specialitati, Daniel Funeriu, adusi şi protesti di partea a sindicatilor. Eali au cl’imatâ pi profesori şi dhascal’i la acţiun’i di protestu. Anamisa di niifhâristiseri s-misurâ scuterli di pi lucru dati tu şteari ti toamna aestâ, nipâltearea a ândrepturlor salariali amintati la giudicatâ, xichea a dialoglui social ninti di elaborarea a nomlui ali educaţie şi a ânviţâmintului, xichea di fonduri ti hărgili di personal pi 2010 ti lucrâtorl’i dit educaţie, ascâdearea a amintaticlui a personallui didactic ahurhinda cu meslu yinar 2010 şi criştearea ali ilichie di pensionari. Un referendum organizat, tu meslu şcurtu, di federaţia Spiru Haret a cadrilor didactici apufusi câ profesorl’i va s-participâ la patru formi di protestu: miting Bucureşti, greva di avertismentu, boicotarea a examinilor naţionali, cari lipseaşti s-ahurheascâ la giumitatea a meslui apriir şi grevă ghenerală. Alti acţiun’i di protestu apufusiti suntu pitriţearea a unâl’ei delegaţie a niifhâristisiţlor la sediul UIdin Bruxelles şi sesizarea a Curil’ei Europeani a Andrepturlor a Omlui. Graficlu spuni câ anamisa di 1 şi 15 di mai, va s-hibâ organizati mitinguri di protestu pi nivel chentral ş-dapoia unâ grevă ghenerală, tu prota decadă a meslui cirişar, cari poati s-ducâ la blocarea a anlui şcolar 2009-2010. Ministerlu ali Educaţie dzâţi ama, tu aradha a lui câ federaţiili sindicali s-au ayun’isitâ cându loarâ deţizia s-li organizeazâ protestili, câţe va s-hibâ aflati soluţii ti anvâlearea a câftărlor. Autor: Valentin Tigau Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International