Radio Romania International

Arhiva :

Energie, via Amarea Laie şi Amarea Caspică
(2007-06-20)
Atea dit soni aspuneari: 2007-06-20 11:54 EET Print
Regiunea Amarea Laie şi Amarea Caspică lipseaşti s-agiumgă un nodu important a ligăturilor energetice cătra păzărili europeane – dzăsi aieri, Baku, prezidentu ali Romanie, Traian Basescu. Acl’imatu la summitul GUAM dit capitala azera, el dzăsi că aproachi dezvoltarea ali infrastructură di transport şi racordarea a proiectilor energetice regionali cu aţeali ţi suntu la nivelul ali Uniuni Europeana. Prezenţa a prezidentlui a unei văsăli membră NATO şi tu UE la ună andamusi a liderilor a statilor ex-sovietice Georgia, Ucraina, Azerbaidjan şi Moldova, ţi da şi numa ali organizatie, s-poati s-hibă ti ciudie . Ama easti ca dealihea legitimă. Pi di una parti ti aţea că nu maş Bucuresti, ama tu tută Uniunea, hidrocarburile caspice suntu luyursite ună alternativă la dependenţa tut cama mari di gazul şi petrolu vindut di Rusia. Pi di altă parti ti aţea că ninga dit ahurhita a mandatlui, Băsescu şi-lo borgea prit lucrili di prota fesi tu politica ti xeani s-agiută la stabilizarea şi democratidzarea ali regiuni. Iara Baku dzăsi iara că : “Statili GUAM au hăiri di solidaritatea ali Românie, ti aţea că loară calea cătră ună soţietati democratică.” GUAM easti duchită şi tu Occident şi Moscova, ca ună cupola ti aţeali di ma ninti republici unionali ţi vor să scapă di tutela rusă. Ama doi dit membril’i a l’ei Georgia si Republica Moldova, tsănu adză făr di volea a lor , trupi aruseşti ţi asiguripsescu protecţia di facto a regimurilor separatisti pro-moscovite dit Osetia de Sud, Abhazia şi Transnistria. Prezidentu ali Romanie dzăsi că ună eventuală alăxeari a Tratatului mutrinda n’icşurarea a forţelor convenţionale dit Europa, ţi u va ş-Moscova nu s-poati s-hibă adrata ninti di trădzearea năpoi a aiuştor trupi. Traian Băsescu “Băgăm oară gu mulţă gaileadz la iniţiative ţi mutrescu reinterpretarea a unor tratati internaţionali, cum easti Tratatul mutrinda Forţili Convenţionale dit Europa. România luyurseaşti că easti ananghi s-intră pi aradă Tratatul mutrinda Forţili Convenţionale tu Europa, aprucheat ama luyurseaşti că ratificarea a lui s-hibă adrată maş cara va s-hibă tin’isiti borgili loati Istanbul mutrinda trădzearea năpoi a trupilor rusi di pi teritoriul ali Republică Moldova şi Georgia. Ma multu, existenţa a unui regim di cumandă a armatilor lipseaşti s-aibă la timel’iu transparenţă şi predictibilitate şi nu s-hibă rezultatul a păzărăpserlor ti alti subiecte ţi mutrescu securitatea regională şi internaţională.” Autor:Bogdan Matei Armăneaşti : T. E.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International