Radio Romania International

Arhiva :

Aprecieri - recordu a leului românescu
(2007-06-19)
Atea dit soni aspuneari: 2007-06-19 14:44 EET Print
Moneda naţională ali Românie, leul agiumsi un nou maxim ali cotaţie andicra di moneda europeanâ. Banca Naţională deadi hâbari aieri, 18 di cirişaru, un curs di 3,21 di lei ti un euro, aestâ hiinda nai ma n’ica cotaţie di dupâ 17 di yimâciun 2002. Leul agiumsi un recordu şi andicra di moneda amiricană, BNR spunânda un cursu di referinţâ di 2,40 di lei ti unu dolar, cotaţie cari nu mata s-ari ânreghistratâ di aoa şasi an’i şi năuâ meşi. Iara analiştil’i luyursescu câ tendinţa di crişteari a va s-ducâ ninti. Câţe agiumsi moneda naţionalâ ali României atractivâ? Consilierlu a guvernatorlui BNR, Adrian Vasilescu pistipseaşti câ aprecierea s-faţi di itia a vinderlor mări di euro şi dolari di pi piaţa româneascâ, câftarea tut ma mari yininda maxusu di partea a investitorlor xen’i. Dupu părearea al Vasilescu ari dauâ turlii di consecinţi. Pi chiro şcurtu, aprecierea a leului, âl’i hârseaşti pi importatori, cari pâltescu ma puţânu ti pârmâtiili ancupârati dinafoara ali vâsilie şi pi aţel’i cari s-au âimprumutatâ tu valutâ, câţe alâxescu ma puţtân’i lei ta ş-pâlteascâ ratili. Aprecierea a leului aduţi avantaji şi ti aţel’i cari vor s-l’ia nali crediti. La polu opus suntu exportatorl’i, ânvirinaţ câţe aprecierea ali monedâ naţionalâ aduţi unâ scuncheari a pârmâtiilor a lor, şi persoanieli cari suntu pâltiti cu valutâ. Pi chiro lungu, ânvârtuşearea ali monedâ naţionalâ, spuni Vasilescu, va s-aducâ condiţii mi buni di banâ, câţe un leu ma vârtosu asiguripseaşti dezinflaţie. Ama, Liviu Voinea, expertu tu Gruplu di Icunumie Aplicată, dzâţi câ aestu cursu a leului nu mata ari niţi unâ ligâturâ cu fundamentili icunomiţci ali Românie. El aduţi aminti câ, cu tuti câ tu proţl’i 5 meşi a anlui xichea comercialâ criscu di dauâ ori, investiţiili xeani scâdzurâ, criştearea icunomicâ fu sum aştiptări ş- producţia industrială easti pi ayâliseari, leulu tutu s- apreciazâ. Dupu părearea a lui, lucurlu aestu s-feaţi di itia a speculatorlor (maxus bănchi şi fonduri xeani di investiţii) cari amintâ dit dhiafuraua a tocurlor la credititili şi depozitili, tu lei şi euro icâ dolari. Voinea luyurseaşti câ tora statlu român nu mata ari multi hâlăţ la dispoziţie ta s-u ayâliseascâ aprecierea a leului. BNR scâdzu di 3 ori pânâ tora toclu di referinţă di la ahurhita a anlui pânâ tora, fârâ s-aibâ mari hâiri. Consecinţa easti câ pânâ cându nu va s-iasâ di pi pâzari capitalurli speculativi xeani, nu va s-hibâ unâ corecţiei a cursului a leului, cumu ţi s-hibâ evoluţia ali icunumie naţionalâ. Autor: Andreea Bojoi Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International