Radio Romania International

Arhiva :

Educaţia itie ti ânvirinari
(2010-03-19)
Atea dit soni aspuneari: 2010-03-19 16:07 EET Print
Tu nai multu 10 an’i, şcoala româneascâ poati s-agiungâ performantâ, maca proiectul a noului nom a ânviţămintului, ţi agiunsi pi measa a cabinetlui Emil Boc, va s-l’ia votlu a deputaţlor. Nai [putân aşi dzâţi ministrul ali Educaţiei, Daniel Funeriu, cari lu lansă proiectul ti muabeti publică, ca unâ apandasi la scheptiţl’i cari luyursea considera câ nu ari duri chiro ti adoptarea a nomlui pân di vacanţa parlamentarâ. Di alâxerli ţi li aduţi naua formâ a documentului, ministrul român aduţi aminti: "Opţiunili a noastri suntu ca ânviţămintul obligatoriu s-tânâ pânâ la ilichia di 16 di an’i. Unâ altâ opţiuni majorâ easti aţea câ educaţia di n’iţ, clasa di ândridzeari, s- hibă consolidată tu ânviţămintul obligatoriu. Curriculumul va s-aibâ tu prota thesi formarea di competenţi, formarea axiil’ei a ficiuriclui s-u ufiliseascâ informaţia, nu maş s-u ţânâ minti.” Sindicatili apruchearâ cu rezervi proiectul a nomlui, afirmanda câ el nu fu zburât cu cadrili didactiţi şi că vadelu di dezbatiri publicâ easti para şcurtu. Prezidentul ali Federaţie “Spiru Haret”, Gheorghe Isvoranu: “Ministerlu lu ţânu ascumtu aestu proiectu di nom cari va s-hibâ bâgat tu muabeti publicâ, pi un chiro multu ma n’ic andicra di aţea ţi spuni nomlu. Maca va s-hibâ maş tu dauâ stâmân’i, practic, aestu proiectu di nom popati s-agiungâ tu parlamentu fârâ s-hibâ amendat cu pripunerli a colegan’ilor dit teritoriu”. Anvirinarea a sindicatilor sâ spuni şi andicra di ascâdearea cu 15.000 a numirlui di locuri di lucru dit ânviţămintu si andicra di nivrearea a guvernului s-lâ da a profesorlor ma multi ândrepturi amintati di el’i la giudicatâ. Anvirinarea a sindicatelor dit ânviţămintu avu iho ş-tu aradha a partidilor parlamentari di opoziţie. Senatorlu PSD, Ion Man, luyursea, ti exemplu, câ prit triţearea a grupăl’ei pregatitoari di la grădiniţi la şcoli şi a clasâl’ei a naua la ghimnaziu, nu s-l’ia tu isapi câ profesorl’i nu suntu ândrepţâ ti aestâ alâxeari. Ion Man:“Prioritatea numirlu un a domnului ministru lipsea s-hibâ ândridzearea a aiştor problemi, dialoglu cu cadrili didactiţi şi nu prezentarea tu guvernu a unui nom cari nu fu ici zburât public.” Sindicatili deadirâ hâbari câ, tu semnu di protestu, profesorl’i nu mata va s-treacâ, di luni, noti şi calificativi tu catalog, iar tu 22 di aprrir, va s-organizeazâ unâ dzuuâ di grevă gheneralâ, cari va s-dişcl’idâ un bair di alti minări di protestu. Tu aesti condiţi, anlu şcolar poati s-hibâ dânâsit. Autor: Valentin Ţigău Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International