|
|
| Media Top |
| (2010-03-19) |
| Atea dit soni aspuneari: 2010-03-19 11:15 EET |
Ritmolu a falimentilor tu România agiumsi la 70 ndzuuă, a deapoa zn’iia, tut cu tut, agiundzi la 2,5 miliardi di euro. Tsifrili, tsi lăhtărsescu, s-ved tu un articol tipusit di ROMÂNIA LIBERĂ. Jurnalu lu aleadzi prezidentul a Uniunil’ei Naţionali a Practicien’ilor tu Insolvenţă, tsi spuni că tu protsl’i doi meshi a anlui, aproapea 4200 di firmi nchisiră proţedruli di falimentu. Specialiştil’i spun că un numir mari di patron’i aleapsiră calea ti insolvenţă, fără s-aibă un plan salami di redresari, că maş cu naetea ta s-ascapă di borgi. Gaileleu nai ma mari easti – nyrăpseaşti ROMÂNIA LIBERĂ – aţeali maş dzaţi proţenti dit creanţi pi cari creditorl’ii pot ta s-li l’ia năpoi di la aţel’i ţi au borgi, andicra di ună medie di 20% pi plan internaţional. Aşi, anlu ti tricu, casili di insolvenţă năpoi adusiră tu trastul a muştiradzlor maş 200 di miliun’i di euro dit borgili di 2 miliardi ş-giumitati. Practic, ş-anvălescu păradzl’i maş creditorl’ii bugetari şi aţel’i cu garanţii. Un altu articol, tipusit di ADEVĂRUL spuni ti pensii, problemă ţi zn’iipseaşti nu maş România, iu agiumsi subiecti tră apreasi moeabeţ, că nica şi tru tut spaţiul ali UE. Experţăl’ii yin cu hăbări ţi ti astal’ie, ţi ţă da hiri, hiri: criza financiară di tora va s-hibă năstricută di 10 ori ca intensitati di ună yinitoari criză a pensiilor – vahi tu condiţiili anda va s-auşească şi va să scadă populaţia – aţea ţi bagă zori a statilor membri să s-ascumbusească şi s-li ndreagă ti cama bun sistemili de pensii. Criza economică u alăxi menga a guvernilor di la problemili pi lungu chiro. Tu niscănti stati ali UE – agiundzi cu isapea un raportu a Parlamentului European, aleptu di ADEVĂRUL - reformili a pensiilor fură dănăsiti nica şi turnati di’ncali, di furn’ia a protestilor, iara alti stati amănară aesti proţesi, di aleapsiră ti ma bun, ta s-facă împãrmut cu naetea ta s-li ţană pi idyea scară sistemili di tora. Tuti aesti apofasi va s-aibă, ama, efecti adversi lăhtăroasi. Acă duchită ca ună apofasi ţi nu easti cu ndriptati spun aţel’i ti cari s-apufusi şi ndilicată, dit videală politică, di furn’ia că nu easti populară, lundzearea a ilichiil’ei di pensionari pari inevitabilă. Easti, păn tu soni ş-tu amprotusa, concluzia a raportului. Experţăl’ii european’i duchescu, ama, că ari ună dgheafurauă anamisa di nădia di bană statistică – Pi thimel’ilu a curi s-ntimil’iadză, tut cu tut, ună ahtari apofasi - şi axia alithea, fizică şi psihică, a unlui insu tu etati ta s-lucreadză cu hăirlăticlu a alăntui, cu 20 an’i ma tinir. Pi ningă criştearea a ilichiil’ei di pensionari - pruvidzută, dimi ş-tu varianta românească a reformăl’ei a pensiilor – alti apofasi anănghisiti ta s-nu s-agiungă la colapsu suntu andruparea a sistemilor di pensii privati şi trădzearea mănă di la pensionarea ninti di chiro.
Textul: Ştefan Stoica
Apriduţearea: Taşcu Lala
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-06
Print
Puteţ s-avdzâţ căndţido