Radio Romania International

Arhiva :

Sţena politicâ româneascâ – tut ma furtunoasâ
(2007-03-22)
Atea dit soni aspuneari: 2007-03-22 13:18 EET Print
Prezidentul ali vâsilie, Traian Băsescu, pitricu aieri, unâ carti a partidilor parlamentari şi a pareil’ei a minorităţlor naţionali dit Parlamentul ali Românie dupu muabeţli ţi li avu cu el’i şi a curi scupo ea igsearea ali catandisi politicâ di tora. Şeflu a statlui dzâsi câ dit dialog işirâ tu migdani nâscânti lucri di iu s ducheaşti ţi s-faţi tu politica bucureşteanâ. Prota ş-prota, luyurseaşti Băsescu, tu Parlament ari unâ majoritati fluctuantâ, cari s-alâxeaşti cafi dzuuâ. Dapoia, ligâturli nuntrul ali coaliţie guvernamentalâ s-asparsirâ ş-ti ti aţea easti puţân probabilă aflarea unâ soluţie viabilâ tu arculu guvernamental. S-aduţemu aminti aoa că, după alidzerli dit toamna al 2004, la guvernari vini alianţa a Partidlui Democrat, dit cari s- tradzi Traian Băsescu, cu liberal’i a premierlui Călin Popescu Tăriceanu, la cari s-adâvgarâ Partidlu Conservator şi Uniunea Democrată a Maghiarilor dit Românie. Prin işirea dit executiv, anlu ţi tricu , a conservatorlor guvernul s-vidzu tu situaţia s-nu m\ata aibâ ndrupari parlamentară. Pi ninga aestâ , ligâturli anamisa di democraţ ş- liberal’i s-asparsirâ tut ma multu unâoarâ cu işearea tu migdani conflicti tut ma mări anamisa di prezidentu ş- premier. Vini şi acuzaţia că PNL-ul faţi aoa ş-aclo agioclu a prinţipalului partid di opoziţie - social-democrat. S-nâ turnămu la cartea a prezidentului cătră partidili parlamentari : Băsescu veadi douâ soluţii: icâ executivlu di tora, icâ unu restructuratu l’ia pi ayunie un votu di pisti tu Parlamentu, ti limbidzarea ali majoritati, icâ si organizeazâ alidzeri ninti di chiro. Reacţiili la pripunerli a şeflui a statlui li yilipsescu diviziunili ţi li ari tu aradha a clasâl’ei politicâ. Democraţl’i nu vedu altă ieşeari dit mintâtura politicâ câ maş alidzerli ninti di chiro, ti cari Traian Băsescu zburâ ma ninti di ma multi ori. Liberal’i u luyursescu cartea prezidenţialâ unâ misticari tu activitatea a Parlamentului. UDMR pistipseaşto câ prota lipseaşti s-hibâ loatâ unâ deţizie pi nivelu ali coaliţiei ti restructurarea a guvernlui şi amintarea unâ majoritati parlamentarâ. PSD s-pizuiaşti (prezidentul u spuni diznou tema obsesivă a anticipatilor) şibsgâ stepsu (Băsescu patronează, niconstituţional, Partidlu Democrat). Iara conservatorl’i dzâcu că mesajlu a şeflui a statuli easti unâ atacâ la autoritatea a premierului, a Cabinetlui ş-a Parlamentului. Ta s-li minteascâ ş-ma multu lucârli, tut aieri, unâ comisie parlamentarâ di anchetâ deadi hâbari câ prezidentul Băsescu u câlcă Constituţia. Ş-dimi ş-lu agârşi rolu di mediator politic, spusi partizanat politic, s-minti tu lucurlu a Leghislativului, ş-nu apruche miniştril’i pripuşi di premier, ândrupă nâscânţ aghenţâ icunomiţ, ş-li lo sum cumândusearea a lui serviciili secreti şi s-minti tu lucurlu ali justiţie. Raportul ali comisiei va s-hibâ pitricutu la Curţea Constituţionalâ ti avizari consultativâ şi va s-hibâ zburâtu tu Parlamentu. Maca parlamentarl’i va u voteadzâ suspendarea dit funcţie a prezidentului, proţes ânchisit di opoziţie tu meslu şcurtu, va s-hibâ organizat un referendum ti demiterea a lui tu nai multu 30 di dzâli. Iara şeflu statlui va s-poatâ s-hibâ surpatu maş cu votlu ali majoritati a cetăţen’ilor prezenţâ la urni, pi thimeilu a alâxerlor fapti pi ayunie di deputaţ tu Nomlu a referendumului. Autor : Roxana Vasile Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International