Nai ma difuzatlu cântic anlu ţi tricu fu piesa "Single lady", interpretată di DJ Layla feat. Alissa. Nai ma bunlu cântic pop-dance fu aleptu "Amazing", interpretat di Play & Win şi Inna, aestâ dit soni amintânda ş-la categoria "nai ma bunlu artistu pop-dance". Piesa "Vrea-mi azâ, vrea-mi mâni", interpretatã di Andra, aminta categoria "nai ma bunlu cântic pop". Andra amintă şi premiul ti nai ma buna interpretă. Nai ma bunlu interpret fu aleptu Tony Tomas. La gala a Premiilor Muzicali Radio România Actualitãti, Paula Seling amintă ti "Adun yisi", premiul ti nai ma bunlu album pop.

Vasile Şeicaru amintă premiul ali categorie "na ma bunlu album folk", cu materialu discografic "Tu câsâbălu cu lilici di til’iu", cum şi premiul "Omlu cu chitara". Formaţia Voltaj amintă, dumânică seară, la gala a Premiilor Muzicali Radio România Actualităţi, dauă trofee, unu la categoria "nai ma bunlu artistu pop-rock" şi unu ti materialu discografic "V8", la categoria "nai ma bunlu album pop-rock". Nai ma bunlu cântic pop-rock fu aleptu "Doil’i pi unâ cali”, interpretat di pareia Bere Gratis.

S-au alinatâ pi sţena a Premiilor Radio România Actualităţi majoritatea aţilor premiaţ, di la aţel’i ma tiniri, cum Ion Moise Bădulescu, Bloggers, Dj Layla & Dee-Dee, la veteran’l’i dit pareia Iris şi maestrul Nicolae Niţescu. Asî cum easti adetea ţi ahurhi aoa ş-patru an’i, spectacolu s-bitisi cu piesa cari va u reprezintă România la concursul internaţional Eurovision di anlu aestu, "Play with fire", interpretată di Paula Seling şi Ovi. Evenimentul, prezentat di Gianina Corondan şi Bogdan Pavlică, fu dat pio yiu pi Radio România Actualitãţi şi Radio România Internaţional.

Autor: Andreea Demirgian
Apriduţearea: Irina Paris