Radio Romania International

Arhiva :

Educaţie şi reformă
(2010-03-11)
Atea dit soni aspuneari: 2010-03-11 15:30 EET Print
Cu unâ medie anuală a alâxerlor di pisti 7%, Nomlu a înviţămitului şi aţel a statutlui a lucrâtorlui didactic dit Românie amintarâ după cădearea a reghimlui Ceauşescu statutlu nivrut ta s-hibâ daima pi câftarea a formâl’ei uidusitâ, lucru ţi âl’i minteaşti em părinţâl’i, em elevl’i, em dhascal’i. Daniel Funeriu, ministrul di tora a ânviţâmintului idyea cu aţel’i di ma ninti, vrea un nou nom a ânviţâmintului, cari, dzâţi el, prindi s-da a sistemlui stabilitati şi predictibilitati. Proiectul a aiştui nom lipseaşti s-hibâ pitricut ti unâ protâ mutritâ a guvernului tu yinitoarili dauă stămân’i şi dapoia s-hibâ subiectu ti unâ discuţie publicâ câţe iniţiativa leghislativă va s-aducâ alâxeri di substanţă. Unâ di aesti ari tu scupo triţearea a clasâl’ei a IX-a di la liceu la ghimnaziu. Ministrul dzăţi câ aestâ pruvideari easti hâirlâticâ maxus ti ânviţâmintul di la hoarâ, căţe elevl’i di aoa va s-ânveaţâ nica un an aproapea di casă, ş-nu va s-aibă zori s-fugâ la maş 14 di an’i, la mari distanţă di domiciliu. Aşi s-aşteaptâ că abandonlu şcolar va s-ascadâ cu 20%. Anviţâmintul obligatoriu va s-hibâ di 10 an’i, şi examenlu la liceu poati s-hibâ unâ evaluari din tuti materiili, la cari si adavgă unâ probă practică mutrinda ufilisearea a calculatorlui şi luyurseri a profesorlui ti cafi un elev. Tu idyiul chiro cu aţeali dit soni alâxeri ţi li feaţi la proiectu Daniel Funeriu caftă soluţii la problemili a lucrâtorlor didactiţi. Anvirinaţ di itia a tin’iilor di cafi mes ma n’iţ cu cari armasirâ dupu ţi furâ scoasi nâscânti adâvdzeri şi di politica di scuteari di pi lucru datâ trâ şteari ti toamna aestâ, dascăl’i fuvirsescu cu protesti, cari pot s-agiungâ pân di blocarea a anlui şcolar. Secretarlu gheneral ali Federaţie Naţionalâ ali Educaţie, Constantin Ciosu: “Avem n’il’i di apofasi giudicătoreşti definitivi, executorii şi irevocabili, cari nu suntu bâgati tu execuţie. U spusim diznou câftarea ali Federaţie Naţionalâ ali Educaţie şi a Colegiilor dit alanti federaţii s-hibă apufusit un program di avigl’iari socială cu scupolu ândruparil’ei a aţilor cari, ahurhinda cu data di 1 di yizmăciun, va s-hibă scoşi di pi lucru”. Di alantă parti, ministrul ali ducaţie spuni că dialoglu cu sindicatili va s-ducâ ninti : “Am apufusitâ cu lideril’i sindical’i: tu maxim dauă sptămân’i va s-avem unâ andamusi ta s-aflăm unâ soluţie coerentă mutrinda bâgarea tu practichie a apofasilor giudicătoreşti, cari tora suntu di multi turlii şi di multi ori interpretabili.Dit discuţiili ţi le-am avutâ mi-duchii câ avem lideri sindical’i multu responsabil’i. Nu pistipsescu câ liderl’i sindical’i dit Românie vor s-l’ia prizonieră unâ vâsilie întreagă şi s-ducă la fenomeni cari nu pistipsescu câ lipseaşti sâ s-facâ tu unâ Românie cari preayalea-ayalea iasi ditu hala greauâ pi cari eara”. Autor: Corina Cristea Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International