Radio Romania International

Arhiva :

Ratinglu di văsilie şi investiţiili
(2010-03-10)
Atea dit soni aspuneari: 2010-03-19 11:10 EET Print
Aghenţia di Evaluari Financiară Standard & Poor's năpoi feaţi isapi ti cum va s-hibâ ratingurli pi lungu chiro ti România di la negativ la stabil. Aestă catandisi, ti ma bun lucurlu a isapil’ei, mutrindalui ratingurli yilipseasti opinia ali aghenţie tu ligătură cu programlu di reformi bugetari şi probabilitatea că guvernul s-ducă ma largu tin’isearea a achicăsearil’ei cu FMI şi UE. Analiştil’i Standard & Poor's li feaţiră ma buni ratingurli ali Românie dupu isapea că economia va-şi yină tu ori niheamă di niheamăză tu aestu an, maxus di furn’ia a criştearil’ei aştiptati a căftaril’ei pi păzărli externi. Ratingurli ali Românie ti împărmuturi tu valută şi tu monedă locală pi lungu şi şcurt chiro armasiră idyili. Standard & Poor's spuni ca pozitivă naetea a guvernului ta s-n’icşureadză ixichea bugetară di la 7,8% dit PIB, cât fu tu 2009, la 6,4% tru anlu 2010. Loarea a tranşilor/comatilor restanti di la Fondul Monetar Internaţional, dupu evaluărli mutrindalui tin’isearea a achicăsearil’ei cu România, easti, tutunăoară, un factor importantu tu analiza a experţălor ali agenţie financiară. Meatrili aştiptati di limitari a fondurlor ti lucrătorl’i bugetari şi probabila reformă a sistemlui di pensii tu 2010 acăţă loc, tutunăoară, ti agiundzearea pi ună scară ma bună a ratingurlor tră România. Aşi cum spuni consilierlu a guvernatorlui di la Banca Centrală, Adrian Vasilescu, România lipseaşti s-bagă tu prota thesi lucurlu ti investiţii tu aestu an tra s-iasă dit criza economică. Ufiţialu di la Banca Naţională exighisi că maş investiţiili a statlui pot s-da silă ali economie, tru un an tu cari sectorlu privat s-ampuliseaşti, ma largu, cu mări griutăţ. Vasilescu nica spusi că, anlu ţi tricu, di furn’ia a problemilor di finanţari, statlu hărgiui maş niheamă pisti giumitati dit aţeali dzaţi miliardi ahărdziti tră investiţii. Tu minduita a lui, cutuyurserli a ufiţialilor di la Banca Europeană ti Reconstrucţie şi Dezvoltare, cari năpoi spusiră că apofasili anti-criză di până tora fură adrati ma multu cu mintea andicra di ţi lipsea, dimi s-bagă tu practico, lipseaşti s-hibâ interpretati ca ună silă ti investiţiili publiţi. Expertul BERD, economistul Peter Sanfey, spusi că guvernul di Bucureşti lipseaşti s-aibă tu prota thesi lucurlu cu investiţiili, maxus tu infrastructură şi tu dumenea energetică. Aşi cum spuni Sanfey, Europa Centrală şi dit Apirită ari multu ti anvăleari, ama ari proiecti buni, iara aestu lucru va s-aducă criştearea pi chiro di mesi a investiţiilor xeani. Di altă parti, premierlu Emil Boc dimăndă că guvernul di Bucureşti ari naeti s-ndreagă un fondu di investiţii ti andruparea a proiectilor majori ali Românie, nica şi aţeali di infrastructură, cari s-hibă andrupăt şi dit pachetili minoritari di acţiuni ţi li au di la stat niscănti companii. Textul: Daniela Ştefănescu Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International