Radio Romania International

Arhiva :

Catandisea a somajlui si protestili sutiali (T.L.10.03.2010)
(2010-03-10)
Atea dit soni aspuneari: 2010-03-19 11:10 EET Print
Ca tu cafi dzuuă, numirlu a şomerlor dit România creaşti. U spun datili ţi li da totna pi aradă Agenţia Naţională ti Ocuparea a Forţăl’ei di Lucru. Aşi cum spun aeşţă, după ţi tu yinar rata şomajlui treaţi di praglu di 8%, meslu şcurtu lu criscu proţentul până la 8,3%. Dit ună comparaţie cu idyiul mes a anlui ţi tricu, valorli suntu superioari cu 3 proţenti, aţea ţi nsimneadză un plus di aproapea 300 di n’il’i di inşi activi ma ţi nu au un loc di lucru. Iara tendinţa di crişteari armăni tu idyea scară. Maş la Căl’iurli di Her Români meslu marţu adusi, până tora, 4700 di năi şomeri, până tu mai numirlu a disponibilizaţlor rezultaţ dupu restructurarea a aţilor 14 di suţiităţ cu capital di stat dit dumeni hiindalui tu plan ta s-agiungă la 10.300. Că tu aestu an va s-facă multi concedieri u avea faptă isapi, di altă parti, cata tuţ analiştil’i economiţ, ţi spun că, nai ma lailu sţenariu poati să spună agiundzearea pi unâ miliuni di şomeri. Ama autorităţli ma largu spun că aestă catandisi va s-ndreagă, iara tu bitisita a anlui rata a şomajlui va să scadă nica şi sum aţea dit andreu 2009, di agiundzi la 7,3%. Că situaţia dit România easti pi calea aţea buna luyurseaşti şi Fondul Monetar Internaţional, ună dit instituţiili cari crediteadză Bucureştiul ti triţearea a crizăl’ei economiţi. Reprezentantul a Fondului ti România, Tonny Lybek, spuni că nica ari căbili ti ună crişteari a şomajlui tu yinitorl’i meşi, di furn’ia a amânaril’ei cu cari apăndăseaşti/ l’ia meatri păzarea a lucurlui la datili mutrindalui recesiunea, ama, adusi aminti el, s-pruveadi că economia românească s-l’ia calea aţea buna, aţea ţi va să spună oportunităţ di băgari pi lucru ti aţel’i ţi ş-chirură loclu di lucru. Aşi cum spuni Lybek, nu ari furn’ii ti ună mutreari diznău a isapil’ei di crişteari economică di estan, di 1,3%, el nica şi luyurseasti că motorlu ti turnarea la scara di ma năinti a PIB va s-hibâ reprezentat prota ş-prota di exporturi. Până cându prognozata crişteari economică va s-bagă tu lucru, ti lucrătorl’i dit România armân problemili actuali. Niifharistusiţ, prota ş-prota, di disponibilizări ş-di tin’iili di cafi mes, pi fondul a scădearil’ei putearea di ancupărari, sindicatili s-ndreg di protesti. Prezidentul ali Confederaţie Cartel Alfa, Bogdan Hossu: “Va s-ahurhim cu pichetări tu teritoriu pi aţeali trei subiecti cama mărli, cari suntu proiectul a nomlui tră pensii, cari easti di prota thesi, ama şi problemi ligati di nomlu tră tin’ia di cafi mes ti sectorlu bugetar ş-di tin’ia di cafi mes nai ma n’ic asiguripsit tu pălteari pi economie, cari lipseaşti adus tu scara di 705 lei. Tu aestă noimă, aţea ţi apufusim easti că protili pichetări va s-ahurhească dit 10 di marţu şi s-tindu până tu chirolu di 20 di marţu. Ună ş-ună cu aesti, va s-aibă şi moeabeţ cu parlamentarl’ii dit cafi un giudeţ şi avem nădia că aeşţâ s-l’ia parti la aesti andamusi cu membril’i di sindicat, căţe tematica easti di amprotusa, ş-deapoa va s-aibă, tu chirolu 15 di marţu până tu inşita a meslui marţu, mitinguri tu teritoriu, la cari va s-l’ia parti naima puţăn ună n’il’ie di inşi”. Ş-lucrătorl’ii di la metrou dimăndară că dit 18 di marţu va s-nchisească greva pi un chiro fără vade, furn’ia hiindalui idyea: păradzl’i. Aşi cum spuni Institutlu Naţional di Statistică, amintaticlu ti tin’ia di cafi mes di mesi scădzu tu yinar cu 3,5% andicra di andreu 2009. Textul: Corina Cristea Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International