Radio Romania International

Arhiva :

Criză pi calea di her
(2010-03-08)
Atea dit soni aspuneari: 2010-03-08 17:32 EET Print
După mărli cheardiri ţi s-feaţirâ tu an’il’i dit soni, tu chirolu a crizăl’ei economică şi a scădearil’ei volumlu di trafic, Ministerlu a Transporturlor dit România mindueaşti ta s-bagă diznău pi cicior companiili di la căl’iurli di her n’icşurândalui hărgili. Apofasea di guvernu cari pruveadi restructurarea a aţilor 14 di sutiităţ cu capital di stat dit dumeni alasă fără lucru cama di 10.000 di lucrători, aproapea giumitati di aeşţâ nica dit 8 di marţu. Programlu di disponibilizări easti pruvidzut să s-bitiseascâ ti doi meşi di dzâli. Nai ma multi concedieri s-fac la CFR Părmătii, iu un di trei lucrători lipseaşti ta s-fugă. Autorităţli spun că ti lucrătorl’i di la căl’iurli di her s-mindui ună cearei di protecţie alithea ti un chiro di 12 di meşi, nica şi 15 di meşi ti aţel’i cari au unâ vicl’imi di lucru di 25 di an’i ş-cama, aşi că, pi ningă agiutorlu di şomaj, aeşţâ oamin’i să s-hărsească ş-di un amintatic di adăvgari pănă tu nivelu a tin’iil’ei di cafi mes di mesi pi economie. Aestu amintatic va s-hibă dat di la bugetul di stat, ma va s-păltească, după caz, 12 până la 15 di tin’ii di cafi mes compensatorii. Apofasea nu ifharistuseaşti pi tută lumea. Aşi cum să spuni tu un comunicat ali Confederaţie sindicală Cartel Alfa, lucrătorl’i dit dumenea a căl’iurlor di her suntu discriminaţ, hiindalui sancţionaţ di dauă ori - prit aţea că ş-cher loclu di lucru şi prit n’icşurarea cu 8-9 meşi a chirolui ti darea a niscântor pâlteri compensatorii, cari, aşi cum pruved niscânti ordonanţi guvernamentali di ma ninti, putea s-ţânâ până la 2 an’i. Tu România s-faţi unâ discriminari a companiilor privati şi a lucrătorlor a lor - la aestu buget tuţ da păradz, ama aţel’i di la stat l’ia ma multu, iara indemnizaţiili nu suntu simfuni cu contribuţia, spun, di alantă parti, întreprinzătorl’ii. El’i caftă că aeşţâ pâradz compensatorii s-hibâ andrupăţ di companiili cari disponibilizeadză ş-nu di un buget la cari da păradz tuţ lucrătorl’i şi angajatorl’ii dit România. Prezidentul a Consiliului a IMM-urilor, Ovidiu Nicolescu: “Easti un lucru di discriminari. Iara, sectorlu di stat easti mutrit unâ turlie avantajos, andicra di aţel privat. S-ufiliseşţâ fondurli cari suntu constituiti prit contribuţii di asiguripseri suţiali ta s-pălteşţâ tin’ii di cafi mes compensatorii, aestă – dupu nom - easti deturnari di fonduri. După ţi adari deturnari di fonduri, nica dai şi mulţă păradz”. Autorităţli spun ama, că păradzl’i di la bugetlu di şomaj suntu duri. Secretarlu di stat di la Ministerlu a Transporturlor, Gheorghe Popa: “Ti aeşţâ pâradz fu suplimentat fondul di şomaj cu pâradz di la bugetlu di stat. Nu s-bagă tu piricl’iu pâltearea a agiutorlui di şomaj ti alţâ şomeri dit alti dumenii”. Textul: Corina Cristea Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International