Radio Romania International

Arhiva :

Alidzerli locali dit Ripublica Moldova
(2007-06-18)
Atea dit soni aspuneari: 2007-06-18 13:40 EET Print
Chişinăulu armâni interzis a comuniştilor. Doilu tur a alidzerilor locali dit Ripublica Moldova (ex-sovieticâ, majoritar românofonâ) u confirmă alergia a electoratlui dit Capitalâ andicra di partidlu ţi easti la puteari promoscovit, cari nu amintă vârnâoarâ pritn vot primăria generalâ. Candidatlu a comuniştilor, Veaceslav Iordan, amintă maş vârâ 40% dit voturi, ş-fu antricut net, cu 20 proţente, di reprezentantul a Partidlui Liberal, Dorin Chirtoacă. La tu ilichie di maş 29 di an’i, aestu agiundzi prim-nicuchirlu a nai ma marilui, ma avutlui ş-ma importantului politic şi electoral di câsâbadzli ali ripublicâ. Atipic andicra di standardili consacrati ali banâ publicâ moldoveneascâ, Chirtoaca easti, di alantâ parti, emblematic ti un nou bârnu di politicien’i. Nu şi-ari faptâ studiili Moscova, ama tu România viţinâ, iu ari lucratâ nâscântu chiro la televiziunea publicâ. Activistu civic, scoasi tu padi niacumtinat em di la Bucureşti em Chişinău, derapajili antidemocratiţi ali puteari comunistâ. Conştientu di comuniunea di limbâ, istorie ş- culturâ anamisa di dauâli stati, nu ari niţi complexi şi niţi nu s-aspari sâ s-declarâ etnic român. Dinamismul a lui âl’i cândâsi pi tuţ candidaţl’i di chentru ş-di dreapta azvimţâ tu protlu tur s-lu ndrupascâ, prit urnipsearea a electoratlui s-voteazâ ti elu. Aestâ, dzâcu analiştl’ii, easti un semnu că, la yinitoarli alidzeri leghislativi, partidili democratiţi poati sâ s-sincronizeazâ ta sâ-l’i pitreacâ pi comuniştii, azi omnipotenţâ, tu opoziţie. Maxus câ popularitatea aiştoru tutu ascadi. Di la vârâ 50% la alidzerli di aoa ş-patru an’i, agiumsirâ tora la maş 34 di proţenti la consiliili locali şi vârâ 30% la primării. Alantâ parti a opţiun’iloru s-ampârţârâ anamisa di plutonlu a formaţiun’iloru di chentru, dominati di Alianţa Moldova Noastrâ şi Partidlu Democrat, şi, respectiv, dreapta liberalâ şi criştin-democratâ, aesti dit soni explicit pro-occidentalie. Ânvirinarea a liderlui comunistu, Vladimir Voronin, cari easti şi şef a statului, vahi fu ş-ma mari cându vidzu câ furâ aruşunaţi separatiştil’i rusofon’i di Transnistria (estu). Ostentativ, aeşti aleapsirâ s-li saboteazâ alidzerli tamam tu hoara iu easti faptu prezidentul, Corjova, iu, la dauâli tururi, u câlcarâ secţia di votari iu feaţirâ mări zn’ii, âl’i bâturâ poliţiştil’i cari u vigl’ia ş-pi cetăţen’il’i viniţ s-voteadzâ şi acâţarâ ândoi candidaţ. Dupu pârearea al Voronin, incidentul lipsea sâ nchiseascâ alumti cu armati, tu cari separatiştil’i vrea s-eara ndrupaţ, unâ turlie logic şi previzibil tu unu ahtari scenariu di Rusie. Şi, dip ilogic, ama previzibil tu raportu cu românofobia a comunistului-şef, şi Romania lipsea s-measticâ, s-lâ ţânâ partea a moldoven’ilor. Ama, ia câ aestu ştenariu nu feaţi. Autor: Bogdan Matei Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International