|
|
| Năi ndridzeri pi sţena politică |
| (2010-03-01) |
| Atea dit soni aspuneari: 2010-03-04 11:53 EET |
 Nai ma proaspitlu lider di partid aşi-spus parlamentar dit România ari numa Daniel Constantin. Multu pţăn cunuscut până tora, aţel di ma năinti consilier la ministerlu ali Agricultură fu aleptu, dumânică, la niţi 35 di an’i, lider a Partidlui Conservator.
Ipotisea avea agiumtâ vacantă după ţi fosta şefă, deputata Daniela Popa, maca ş-bitisi, aşi s-pari, harea politică, aleapsi ta s-lucreadzâ pi unâ ipotisi tu Comisia di Avigl’iari a Asigurărlor, nica ma ghini pâltită, ama ţi nu easti simfunâ cu carnetlu di partid. La congreslu ti bâgarea pi scamnu al Constantin, PC nâpoi ahurhi tra să u facâ cunuscutâ şi strateghia di suţati. Spus totna di sondajili tu ţi mutreaşti naeţli di vot sum praglu electoral di 5%, partidlu intră până tora tu Parlamentu maş ti aţea că şi-l’i băgă oamin’il’i pi listili a PSD.
Ma pţănu peciştil’i işiş, tută lumea easti simfunâ câ aeşţâ amintară locurli elighibile maş di furn’ia a politicăl’ei editorială, ţi angreacâ multu di multu ti social-democraţl’i, a trustului di presă a thimil’iusitorlui a PC, Dan Voiculescu. Aşi că, după ţi tăxi, ca ti prota oară, că partidlu “va s-l’ia calea a lui işiş”, Constantin s-ayun’iusi să spună cu altă noimă, adăvgândalui că armâni dişcl’is ti lucurlu deadun cu alanti partii dit opoziţie.
Dimi PSD şi PNL, ti cari, s-ayun’iusirâ să spunâ analiştil’i, PC va ta s-li ncheadică ma largu. Aliaţl’ii lipseaşti, ama, s-aibă ngătan s-chivernisească mintăturli a lucurlui a lor di năuntru. La liberali, un chiro ţi ş-eara deadun prezidentul Crin Antonescu şi prim-viţeprezidentul Ludovic Orban, canda nu mata sa străxescu.
Congreslu a PNL dit weekend va s-lipsească s-apufuseascâ nu maş anamisa di el’i, că şi anamisa di pripunirli a lor dit statut. Favoritlu Antonescu va s-hibâ turlia di amintâtor cari l’ia tuti şi caftă alidzearea pi listi ti tutâ cumândusearea. Orban aduţi aminti thimeal’ili a liberalismului şi cundil’iadză ti candidaturi individuali la ipotisili di prezidentu şi viţeprezidenţâ. Iara la suţial-democraţ ma largu s-duţi hemoragia di cadri.
După congreslu extradordinar la cari aţel di ma ninti lider PSD, Mircea Geoana, fu alăxit cu Victor Ponta, ex-minişţărl’i di Externi şi ali Justiţie, Cristian Diaconescu, şi, respectiv, a Lucărlui, Marian Sârbu, spusiră ca va s-fugă dit partid. El’i cundil’iară că, tu Parlamentu, va s-hibă deadun cu aşi-număsita parei a independenţâlor, adratâ dit defectori suţial-democraţ şi liberali cari andrupăscu guvernul PDL-UDMR.
Ama di cari presa easti pi dauă că poati s-agiută la “alăxerli pozitivi” tăxiti di guvernu, căţe, anaparti di personaji cu imaghini bună, cata cum Sârbu ică Diaconescu, easti împiticat “cu oamin’i cari reprezintă tut ţi easti ma arău tu politica românescă: imoralitati şi aruşfeti.”
Textul: Bogdan Matei
Apriduţearea: Taşcu Lala
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-06
Print
Puteţ s-avdzâţ căndţido