Radio Romania International

Arhiva :

Diznău pi unâ crişteari economică tu România
(2010-02-26)
Atea dit soni aspuneari: 2010-02-26 12:38 EET Print
Nai ma ahândusitâ recesiuni economică dit istoria ali Uniuni Europeani s-bitisi – easti concluzia a unui raportu ali Comisie Europenă. Aşi cum spuni aestu, CE u ţânu tu idyea scarâ la 0,7% estimarea di crişteari economică ti statili ali UE tu 2010, atea ţi va să spunâ unâ redresari economică ţi s-faţi cu preayalea, ama nica crehtâ. Isăchili s-feaţirâ pi thime’ilu a previziun’ilor actualizati ti Franţa, Germania, Italia, Olanda, Polonia, Spania şi Marea Britanie, cari reprezintă deadun 80% dit PIB-ul ali Uniuni. Previziun’ili ti inflaţie armân nialâxiti - 1,4 proţenti tu UE, respectiv 1,1% ti zona euro. Comisia luyurseaşti câ unâ ayâliseari cabaia mari a activitatil’ei economicâ va u aveagl’ie inflaţia, compensândalui crişterli a pâhadzlor la energhie şi la produsili di thimel’iu. Acâ mediul economic s-feaţi ma bun, investiţiili armân scădzuti, atea ţi va s-aducâ zn’ie ma largu pi pâzarea a forţâl’ei di lucru, aestâ, tu arada a lui ş-ţi duţi la limitarea a consumlui privat. Comisarlu european ti afaceri economiţi şi monetari, Olli Rehn, şi spusi gâilipsearea andicra di lucurlu crehtu tu ţi mutreaşti redresarea economicâ tu Europa, andicra di alti economii a lumil’ei: "Di unâ parti, ştim că lipseaşti s-criştem investiţiili ti inovari şi educaţie, tu crişteari economică mintimenâ şi veardi. Tu idyiul chiro, ama, finanţili publiţi lipseaşti s-hibâ anvârtuşiti". Raportul ali CE nica spuni câ rata a şomajlui criscu, di agiumsi la 9,6% tu andreu tu UE, cu trei puncti proţentuali pisti nivelu dit 2008. Aspârdzearea a catandisil’ei di pi pâzarea a lucurlui poati s-dânâseascâ tu 2010, avândalui tu videalâ sondajili ligati di aştîptărli a companiilor tu ţi mutreaşti bâgarea pi lucru. Aşi cum spuni prognoza dit toamnă, CE s-aşteaptă câ rata a şomajlui dit UE s-ahurheascâ să scadă tu 2011, andicra di 2010. Tu România, vâsilie membră ali UE dit yinar 2007, Ministurlu a Lucurlui, Mihai Şeitan, nu pistipseaşti că numirlu a şomerlor va s-agiungâ, tu aestu an, la unâ miliuni, aşi cum s-agiumsi cu isapea tu ahurhitâ. Mihai Şeitan: „Meslu şcurtu nu spusi unâ crişteari tu zona a şomajlui. Yinarlu s-bitisi cu 8,1% rată di şomaj, aţea ţi mi faţi s-pitispescu că aţea miliuni di şomeri nu pistipsescu că va s-hibâ agiumtu cara nu u tricum tora ma largu, tu un chiro di chipitâ, 8%, acâ va s-avem nica şi unâ crişteari tu chirolu ţi yini. Tu bitisita a anlui putem s-agiundzem la unâ rată a şomajlui ma n’icâ andicra di aţea ţi u avum tu andreu anlu ţi tricu”. Şeitan spuni câ aţeali dit soni misuri ti dari curayiu a firmilor ta s-bagâ pi lucru a şomerlor şi s-nu scoatâ di pi lucru personal ahurhescu ta s-aibâ efectul. Ufiţialu român nica spusi că nai ma marea problemă mutrindalui acâţarea a pâzaril’ei di lucru u au tinirl’ii şi că la thimel’ilu a misurlor mutrindalui bâgarea a oamin’ilor pi lucru lipseaşti s-aibâ la thimel’iu recalificarea profesională şi reconversia ţi lipseaşti sâ s-facâ andicra di câftarea pi pâzarea a lucurlui. Textul: Daniela Stefanescu Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International