Radio Romania International

Arhiva :

Iarna greauă a crizăl’ei economiţi
(2010-02-15)
Atea dit soni aspuneari: 2010-02-16 14:26 EET Print
Nădiili a autorităţlor di redresari, nica ş’ti işeari dit recesiuni, fură aspulbirati di Institutlu Naţional di Statistică cari dimăndă că economia ali Românie ş-dusi ma largu trendul descendentu şi tu aţel dit soni trimestur a anlui 2009, cîndu s-feaţiră contracti cu nica 1,5%. Aşi cum spuni INS, Produslu Internu Brut scădzu, anlu ţi tricu, cu 7,2 tru sută andicra di 2008, iara inflaţia di cafi an alină la 5,2 tu sută. Ş-tu protlu mes a anlui 2010, inflaţia fu multu di multu pisti aştiptări, di aproapea 1,7%. S-agiumsi la aestâ crişteari prota ş-prota, di furn’ia câ criscurâ păhadzl’i la tătumi, combustibili şi energhie electrică. Acă incertitudin’ili tu aţea ţi mutreaşti evoluţia a indicatorlor economiţ armân pi scarâ analtâ, deapoa BNR u ţăni ş-ma largu inflaţia tu aestu an la 3,5%. Di altă parti, Banca Naţională dimăndă că investiţiili xeani directi scădzură tu România, tu 2009, la aproapea ţinţi miliardi di euro – giumitati dit valoarea înreghistrată tu 2008. Iara borgea externă criscu cu 8,7 proţenti, di agiumsi la 78,6 miliardi di euro. Şi hăbărli lăi nu s-dănăsescu aoa. Aşi cum spuni Oficiulu Naţional a Reghistrului ti Comerţu, cama di 18.400 di firmi agiumsiră tu niputeari ta s-păltească borgili tu 2009, cu 25% ma multu andicra di 2008, deapoa tu protlu mes a anlui 2010 alti cama di 2.000 di firmi, cu 10 proţenti ma multu andicra di andreu 2008. Nai ma zn’iipsiti fură aţeali firmi dit comerţu, construcţii, industria di prilucrari şi tranzacţii imobiliari. Tu bitisita a meslui 2009, nica eara pi lucru tu România aproapea ună miliuni di firmi. Cu tuti aesti analiştil’i minduescu că economia va ş-si tornă pi calea aţea buna, ama aestă va să s-facă pri ayalea ayalea. Tu prota giumitati a anlui 2010 va s-armănâ tu idyea scară trendul desţendentu, macsus di furn’ia a proţentului mari a şomajlui şi a n’icşuraril’ei consumlu internu. Ama, pânâ tu inşita-a anlui va s-aibă ună crişteari economicâ di 1-2 proţenti, nădiili ti agiundzeariu tu scara di ma ninti hiindalui tu ligătură cu producţia industrialâ şi exporturli cătră statili europeni cu economie vărtoasă cari inşiră dit recesiuni. Economiştil’i di la Bank of America si Merrill Lynch antiţipeadză, tu arada a lor, că tu yinitorl’i an’i România va s-hibâ numirlu unâ ti investiţiili xeani dit Europa, iara economia va s-crească tu kirolu 2010-2019, tu medie cu 4,4% tu an. Meslu ţi tricu, caplu al delgaţie di la FMI ti România, Jefrrey Franks, feaţi urnimii a Bucureştiului să s-mindueascâ ti aprukearea a fondurlor europeani, cu scupolu “ta s-bagă păradzl’i tu lucru ti dizvultarea a infrastructurăl’ei ş-aestă va s-dzăcă nica ş-ta s-dişcl’idă năi locuri di lucru.” Un nău raportu di evaluari va s-hibă zburât pi 19 di şcurtu di cumăndusearea a FMI, cari u-ari umutea ta s-da cali nica dauă tranşi dit impărmutlu externu, di la FMI, UE, Banca Mondiala, tu valoari di aproapea 20 miliardi di euro.(15.02.2010) Textul: Andreea Bojoi Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International