Radio Romania International

Arhiva :

Nădie diplomatică românească
(2010-01-21)
Atea dit soni aspuneari: 2010-01-27 19:21 EET Print
Fu un prot mandat tu cari adversarii ăl’i cutuyrsiră, pi ningă multi alti, ti intrarea ali Românie tu un kiuşe di aumbră tu plan internaţional. Tu ahurhita a doilui mandat, prezidentul Traian Băsescu părăstisi, la andamusea di adeti cu ambasadorl’ii acreditaţ Bucureşti, sturl’i di furteaţă a politicăl’i externă tu doilu mandat. România armîni acăţată tu isapi ş-ma largu tu proiectul european, tu ligătură fară alti câftări cu Statili Uniti şi ascumbusită ti ună politică di viţinată niacumtinată. Traian Băsescu: “Zboarăli cl’eai a politicăl’ei externi româneşti tu năulu a meu mandat di prezidentu va s-hibă dinamismul, continuitatea, băgarea tu lucru a oportunităţlor, pragmatismul, pistusinea, tin’isearea a borgilor, multilateralismul hăirlaticu şi solidaritatea, iara sturl’i cari va s-andrupască aestă politică suntu: loarea parti vărts la proiectul european, ună ligătură transatlantică vărtoasă şi ună politică di viţinată activă”. Tu plan european, Bucureştiul va s-mutrească s-lu anvărtuşeadză loclu tu UE şi pi aţea a Uniunil’ei pi arena internaţională. Prezidentul Băsescu: “Tră yinitorl’i ţinţi an’i, România va s-aibă ună ligătură hăirlătică cu UE tu ună triplo perspectivă - va s-agiută la anvărtuşearea profilui ali Uniuni pi plan internaţional, va s-mutrească s-lu anvărtuşeadză loclu năuntrul ali Uniunii, maxus prit scutearea ncap a proţeslui di integrare şi, treilu lucru va ş-ufilisească cu hăiri şi responsabilitatî loclu di crat membru ta ş-li facă cunuscuti cu agiutorlu a politiţlor ali UE sinferurli işiş naţionali”. Un di aesti sinferuri mutreaşti asiguripserli ti securitatea a văsiliil’ei, iara aestă nu poate s-hibă aprucheată ma s-nu aibă anamisa un lucru deadun transatlantic stres – cundil’e caplu a statlui. După minduita al Traian Băsescu, România va va ta s-aibă ună anvărtuşeari a parteneriatlui cu SUA pi ărchili a l’ei di thimel’iu - cooperari economică, dialog politic, problematica a vizilor, securitati. Prezidentul român feaţi căftarea susto ti ligătura speţială cu Republica Moldova (ex-sovietică, majoritar românofonă), ligătură ţi agiumsi s-hibă tu aradă dupu fudzearea a comuniştilor românofobi di la puteari. Traian Băsescu: “Tuţ u ştiţ ligătura speţială anamisa di România şi viţinlu a l’ei dit apirită. Nă leagă ună istorie comună, avem idyea limbă şi idyea cultură. Român’l’ii băneadză pi dauli mealuri a Prutlui, iara aestă realitati faţi parti dit andruparea a nădiilor europeni ali Republică Moldova proiectul a meu di suflet. Nu fără noimă, prota vizită pi cari va u fac tu xinătati, tu ahurhita a năului mandat, va s-hibă tu Ripublica Moldova, tamam dupu ună stămănă”. Textul: Faneos - Ştefan Stoica Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International