Radio Romania International

Arhiva :

Romania sum neauâ
(2010-01-20)
Atea dit soni aspuneari: 2010-01-21 14:12 EET Print
Dzâlili aesti român’il’i au un sentimetu di deja vu. Şi aoa şi un mes, meteorologhil’i au faptâ timbihi ti chiro arău, cu multâ neauâ, tufani sh-gl’iets âmpadi. Previziunj ţi s-featsirâ dealithea: neaua u mbudyiusi urdinarea rutierâ, feroviarâ, aerianâ şi maritimâ. Sh-tora idyea s-feaţi, dzăţ di căl’iuri naţionali şi judeţeani furâ âncl’isi icâ âmbudyiusiti, pi geadei furâ alâsati aftuchini dânâsiti tu neauâ, multi localităţ furâ izolati, alti armasirâ fârâ energhie electricâ. Furâ amânati icâ suspendati cursi aerieni, porturi di la Amarea Laie furâ âncl’idi. Maca trenurli nu furâ anulati, eali ânreghistreazâ amânări di dzăţ di minuti shj-tu aestu chiro câlâtorl’i ingl’iaţâ tu vagoani niângâldzâti. Cum s-feaţi ş-altâ oarâ, autorităţli locali suntu acâţati di napandica. Primarl’i fac comandamenti di iarnă, trag di urecl’i firmili di nâscârseari neaua, cetăţen’il’i cari nu nâscârsescu neaua dinântea a casâl’ei icâ cari mora vor s-imnâ cu aftuchina la lucru l’ia amendâ. Tu capitalăa, edilu şef, Sorin Oprescu, ni ifhâristisit di turlia cum lucrarâ firmili di nâscârseari, cu material antiderapantu şi mehanii, lâ deadi amenzâ şi li fuvirseaşti cu rezilierea a contractilor. El câftă libirarea pi ayunie a arterilor principali şi a intersecţiilor ta s-nbu hibâ âmbudyiusitâ urdinarea a autobuzilor, troleibuzilor şi tramvailor. Bucureştean’il’i s-pari câ au unâ praxi ma bunâ tora. Ş-li alâsarâ aftuchinili acasâ, imnâ cu metroulu, autobuzlu icâ tramvailu, ş-nâscârsirâ trotoarili dinântea a casâl’ei ş-a firmilor iu lucreadzâ. Ari ama şi persoani cari s-hârseascu di aestâ dalgâ di neauâ. Patrojlji di pensiunj montani şi duchen’il’i ţi da cu nichi echipamenti ti sportuli di iarnâ, instructol’i di schi. Tuţ au nâdie câ dupâ unâ ahurhitâ di an nu para bunâ, di itia a chirolui moali tora, unâ oarâ cu neaua va s-yinâ şi turiştil’i tu numir cât ma mari. Hâbărli cari yin di la meteorologhi nu suntu ici buni. Dupa tufani di neauă yini tsingrimea, ti aestâ bitisitâ di stâmânâ s-aşteptâ temperaturi pân di minus 25 di gradi tu chentrul ali vâsilie, şi minus 15 tu sud şi estu. Autor: Andreea Bojoi Apridutsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International