Radio Romania International

Arhiva :

Ripublica Moldova, cu faţa cătă Europa
(2010-01-05)
Atea dit soni aspuneari: 2010-01-13 8:58 EET Print
Bagat pi scamnu tu yismăciuni 2009, cabinetlu a suţatăl’ei pro-occidentali dit Ripublica Moldova (ex-sovieticã, majoritar românofonã ) feaţi isapea a protilor 100 di dzăli di guvernari. Clirunumia greauă alăsată di comuniştil’i arusofili aflaţ la puteari tu aeşţă optu an’i dit soni - criza economică cabaia ahăndusită, ună suţiitati ampărţată şi armasă singură pi plan externu, cu ligăţuri ngl’iţati cu partenerl’ii di dizvultari – băgă zori a năului guvernu ună călindari condensată di meatri interni şi ligături diplomatiţi, aduţea aminti premierlu Vlad Filat. Pi plan internu, cabinetlu a lui băgă semnul pi Nomlu a politicăl’ei fiscală di stat şi Nomlu a bugetlui ti 2010, iara tu plan externu aprăftăsi s-li bagă pi aradă ligăturli cu Bucureştiul – asparti di ncuntrarea a aţil’ei di ma năinti puteari comunistă - şi s-da silă a dialoglui politic cu Uniunea Europeană. Cabinetlu Filat deadi cali a vizilor tră român’i, ahurhi diznău exporturli di yinu pi păzarea arusească şi păzărăpsi ună nauă achicăseari cu Fondul Monetar Internaţional, prit cari Republica Moldova va s-l’ia un împărmut di 590 di miliun’i di dolari. Alţă păradz ahărdziţ ti proiectili di infrastructură şi dizvultari va s-yină dit Statili Uniti şi Uniunea Europeană, tu arada a curi s-adră ună parei informală di stati cari andrupaşti Chişinăulu, dimăndă caplu a guvernului. După spusa al năs, lucarlu di prota thesi a Ripublicăl’ei Moldova easti integrarea europeană. Premierlu Filat luyurseaşti că, şi la aestu capitol, guvernul a lui scoasi tu videală cu ună giueapi faptă că nu ari disuiduseari anamisa di zboară şi lucru. Vlad Filat: “Dişcl’idearea şi alăxearea calitativă tu ligăturli cu partenerl’ii european’i avu căbili maş di furn’ia că dit protili dzăli aprăftăsim s-asiguripsim coerenţă anamisa di declaraţii şi acţiun’i, andicra di aţea ţi s-feaţi până tu aestu kiro”. Pi 12 di yinar, Chişinăulu va s-dişcl’idă păzărăpseri tu ligătură cu Acordul di Asociere la UE. Tut aestu an, va s-hibă lansati dialoglu cu Uniunea tu ţi mutreasti liberalizarea a regimlui di vizi şi discuţiile tu ligătură cu regimlu di libiră alăxeari anamisa di Ripublica Moldova şi UE, nica cundil’e premierlu Vlad Filat. Vrearea păn di mardzină a executivlui ţi lu cumănduseaşti easti aţea tra să u năstreacă criza şi tra s-alăxească economia a văsiliil’ei tu ună atractivă ti investitori, cu ună crişteari cari s-nu aibă la thimel’iu maş consumlu. Idyea cata cum cafi un di tu arada a guvernilor di ma năinti dit 1992 şi până ază, cabinetlu Filat ari umuti ti ună ndridzeari a ceamaunăl’ei dit Transnistria - reghiuni separatistă majoritar rusofonă dit apirita a locurlor. Naua puteari di Chişinău spuni că ari ună nauă mutrită ti aestu lucru şi s-andrupaşti pi amintarea a pistusinil’ei a transnistrean’ilor. Textul: Ştefan Stoica Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International