| Conțertu "Lady Gaga" București |
| (2012-08-17) |
| Atea dit soni aspuneari: 2012-08-17 13:33 EET |
Conțertu "Lady Gaga" București
35 di nii di persoani furâ prezenti - gioi searâ - la conțertul pi cari artista americanâ Lady Gaga lu avu București. Tu aeșțâ dit soni ani ea își adră cânâscutâ numa tu tuti lumea. Lady Gaga și-amintâ un stil ayoriea, andreptu cu spiritlu extravagantu și cu talentul unic ali artisti. Reprezentația ți u deadi tu capitala ali Românii, a doua dit Europa tu cadrul a turneului ,,The Born This Way Ball'', dupu ațea di Sofia, s-înscrisi tu aestu reghistru, prit cari Lady Gaga câtuhursi s-alâxeascâ muzica pop. Pi unâ scenâ enormâ, nai ma marea andreaptâ vârâoarâ ti un artistu tu un conțertu în România, s-avdzârâ multi dit piesili ți furâ timeilu a sucțeslui di nicontestat di cari s-hârseaști tinira di 26 (șaisprâ-inghiț) di ani - dintrâ aesti: "Poker Face", Alejandro, Just Dance, "Born This Way" icâ "Marry The Night.
Dit elementili coregrafiți prit cari Lady Gaga și-hârsi fanii prezențâ, mulțâ dit ei viniț tâși ditru xeani, s-misurarâ un castel gotic, unâ hologramâ azbuirâtoari și unâ motocicletă cu pian. Cu tuti că, di baia ori, coregrafia adratâ atinsi temi multu controversati, cum easti încurunarea dintrâ oamini di idyul sex, tu moaubetea cu publicul, artista fu dișclisâ și sensibilâ. Tutnâoarâ, ea s-alâxi si ma multi ori, tu buiei și cu multi acțesorii, capitol la cari, tu cariera a ei, artista inoveadzâ dipriunâ. Aestu mesu, Bucureștiul va s-hibâ gazda a unui altu conțert multu aștiptat, maxus ti aței ti-l vor multu rock-lu. Unâ dit nai ma cânâscutili trupi din isturia a genului, band-ul american Red Hot Chili Peppers, va s-cântâ tut București, pi Arena Naționalâ, inauguratâ tu anlu ți tricu. Aesti dauâ evenimenti dit meslu Augustu s-înscriu tu marli calendar muzical a anlui. Așiți, tu 2012, cântarâ icâ urmeadzâ s-cântâ baia numi cânâscuti la nivel mondial. David Bisbal, Linkin Park, Guns n Roses, Evanescence, Roxette, Julio Iglesias, Michel Telo, Leonard Cohen, The Cranberries icâ Jennifer Lopez adarâ parti dit aleapta lista ți alâxeaști România tu unâ destinații muzicalâ alâvdatâ.
Sursa imagini: www.gandul.info
|
You need Flash player 8 to play this
|
2025-04-03
Print
Puteț s-avdzâț căndțido