Radio Romania International

Arhiva :

Armi pi calea drogurlor
(2009-12-29)
Atea dit soni aspuneari: 2010-01-05 18:08 EET Print
Cându aproapea vârnu nu mata s-aştipta, mistiryiul ţi eara tamam ta s-keară, aoa şi aproapea un an, dit ună măyăzie militară di ningă Bucureşti ti aţeali 62 di tufecki fu limbidzătu. Dit arsenalu ţi fu loat paranom – tufeki automati Kalaşnikov şi aruveli, cum şi ună manliheră – s-aflară 35 di armati. Aesti lipsea s-hibă ufilisiti ca un pără di alăxeari ti ună tăcămi cabaia mari di heroină ţi lipsea s-hibă adusă dit Turchie şi vindută deapoa tu Olanda. Anchetatorl’ii român’i nu exclud că producătorl’ii turţă s-avură tu naeti s-da, tu arada a lor, aesti armi ta s-lă si da ti aesti părmătii ti stupefianti. Dimi opiumul, dit Afganistan, cratlu gol ţi da aesti substanţi ufilisiti tu laboratoarili clandestini dit Turchie. Aşi cum spuni caplu ali poliţie română, chestorlu Petre Tobă, investigaţiili tu aestu caz ahurhiră tru agustu, după ţi tu Turchie şi tu Vărgărie fură aflati aproapea 130 di kg di heroină. Dupu cooperarea cu autorităţli nturţeşti şi vărgari, cercetărli s-teasiră ş-tru România. Pi filiera di trafic, poliţiştil’i lu-aflară Eugen Preda, ţi ma năinti eara pi lucru ca sportiv tu arada a Ministerlui di Interne, misticat, primveara ţi tricu, tu un căvgă la un mall di Bucureşti. Inţidentul adusi alăxeri tru structurli di cumănduseari ali poliţie bucureşteană. Anchetatorl’ii agiumsiră pi isapea că Eugen Preda ndreapsi ma multi andamusi anamisa di traficanţăl’ii di droguri şi cărvănarl’i ţi loa căti 50 di n’il’i di euro ti cafi purtari ţi u adra. “Purdaţ di toarăli ADN” ngrăpseaşti jurnalu EVENIMENTUL ZILEI, cari aleadzi dit spusili a căpiil’ei di la Direcţia di Investigaţie a Infracţiunilor di Criminalitati Organizată şi Terorism, procurorlu Codruţ Olaru. Cum spuni aestu, şasi di el’i ti cari s-apufusiră mandati di ncl’idari preventivă fură aflaţ pi thimel’ilu a toarălor ţi li loară di la măgăzia militară. Codruţ Olaru exighisi că darea-loarea di armati ti droguri lipsea să s-facă tu aesti dzăli, lucru ţi-l’i feaţi ta s-tragă mănă di la vigl’area a vinderlor cătă Olanda, al’iumtrea, ţi va s-dzăcă tra s-li lja năpoi armatli. ”Trapsim mănă di loarea şi acătarea a drogurlor căţe avea hăbări că eali va s-hibă vinduti ma largu tu xinătati”, ngrăpseaşti ROMÂNIA LIBERĂ, cari da, tutunăoară, pi şcurtu dit conferinţa di presă ţi u ţănură aţel’i acăţat tu anchetă. “S-căfta droguri şi s-aflară armati” cundil’adză publicaţia, di aduţi aminti că armatli fură aflati la reşedinţili a membrilor a unăl’ei parei di traficanţă di droguri. Textul: Corina Cristea Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International