Radio Romania International

Arhiva :

Dilemi prezidinţiali şi guvernamentali
(2009-12-10)
Atea dit soni aspuneari: 2009-12-14 15:14 EET Print
70 di n’ile di voturi. Duri, atea turlie că Traian Băsescu s-armână prezidentul ali Românie, dip puţăn, ama, tra s-li isihăsească spiritli politiţi după meşi di dzăli di campanie electorală cari u mintiră văsilia pi loclu archişurător a crizăl’ei economiţi. Arăs, tru seara a alidzerlor, di exit-poll-uri, liderlu social-democrat, Mircea Geoană, s-alăsa antrenat, tora, tru iluzia a unăl’ei arăsturnari juridică a scorlui şi u caftă tră a daua oară, victoria. Partidlu a lui dipusi la Curtea Constituţională probili a aşidzăsal’ei furlăchi electorală, pi thimel’ilu a curi caftă ţănearea diznău a doilui turi. Ufiţial, alidzerli nu au un amintător până la verdictul a Curtil’ei. Isăchili s-fac ama,pi catandisea di facto, cu Traian Băsescu reconfirmat tru ipotisea naima analtă. Seren cum vărnu numata lu-ari vidzută până tora, aestu căndăseasti la isihie şi ampăcari. Mircea Geoană şi Traian Băsescu. Personalităţ contrastanti si midueri ahoryea, ţi yinu dit ipotisi ahoryea. Mircea Geoană ş-agioacă aţea dit soni carti politică, căţe, dupu eşeclu electoral, easti tu piricl’iu tra s-cheară şi partidlu. Istoria a PSD da ndripatati s frixil’ei ţi u spuni liderlu di tora. Partidlu işiş easti tru piricl’iu, tru arada a lui, ta s-aibă un lungu chiro di opoziţii, aţea ţi nu easti pi chefea a filialilor teritoriali. Di partea a lui, Traian Băsescu, ţi easti tru ahurhita a aţilui dit soni mandat posibil şi ascăpat di iţi scupo electoralyinitor, alasă tra să s-akicăsească că yinitorl’i ţinţi an’i va s-hibă altă turlie andicra di atel’i di ma năinti, cari fură marcaţ di mintireaji nihăirlăticu şi reformi, tu marei parti, niscoasi ncap. Spunearea că prezidentul s-alăxi poati s-yinăntrăoară, la păzărăpserli tu ţi mutreaşti yinitorlu cabinet, a curi băgari la puteari va s-curmă provizoratlu guvernamental tru cari intră dupu scutearea di pi ipotisi, prit moţiuni di cenzură, a guvernului Emil Boc. Traian Băsescu şi PD-L nu ş-ascmsiră vrearea tră ună construcţie di dreapta cu PNL, treia forţă parlamentară. Liberalii, ncap cu intransigentul a lor lider, Crin Antonescu, s-alasă zorlea căndăsiţ tra s-ducă, diznău, deadun cu PD-L. Experienţa traumatizantă a colaboraril’ei di ma năinti cu aţel di ma năinti aliat anti-PSD l’i-căndăseaşti ta s-aibă ngătan tu ma marea scară. Antonescu spunea că nu aproachi tra s-facă parti dit un guvernu pi cari va lu-aibă tu mănă Traian Băsescu. Şeful liberal nu easti ama, tu ună catandisi lişoară, căte şi tu arada a aţilor di la PSD, liberalii dit teritoriu bagă zori cu noima tra s-yină diznău la puteari. Pi şcurtu chiro, PD-L poati tra s-tragă mănă di PNL, tra s-minduească s-ndreagă ună parei căt n’ică s-hibă ea ama hăirlătică, cu UDMR, reprezentanţăl’ii a minorităţlor naţionali şi parlamentari adunaţ dit tut ţercl’iul politic. Textul: Faneos - Ştefan Stoica Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International