Radio Romania International

Arhiva :

Contestări electorale şi formuli guvernamentali
(2009-12-09)
Atea dit soni aspuneari: 2009-12-10 11:13 EET Print
După alidzerli prezidenţiali dizvărtiti la 6 di andreu şi amintati di Traian Băsescu tu antriţearea cu contracandidatlu a lui, social-democratlu Mircea Geoana, România easti ma largu, la ncruţil’ari di căl’iuri. Amintarea a doilui mandat la Cotroceni, băgată ,nica sum semnul a antribaril’ei di contestaţiili di furlăchi electorală băgati la Curtea Constituţională, nsimnă, orlea zorlea, tră caplu a statlui, ună victorie personala; aestă nu-l exonereadză, ama, di borgea ti dezamorsarea a unăl’ei politiţi interni. Practic, Traian Basescu şi PD-L, cari lu-andrupaşti, va s-hibă ananghisiţ s-adară ună achicăseari cu aţel’i di ma năinti adversari tra s-poată s-da ali Românie ună guvernari stabilă, timil’iusită pi ună majoritati consistentă. Borgi greauă, di furn’ia a ligăturlor di ma năinti anamisa di aesti partidi căndu, em PNL em şi PSD, nu putură s-ţană cheptu tu ună suţată cu PD-L. Protili cilăstăseri ti aduţeari a PNL tu ună suţată di dreapta fură fapti nica dit chirolu ali campanie electorlală. Consecvenţa a liderlui liberal, Crin Antonescu, ta s-ncuntreadză la aestu proiectu să spusi, pănă tora, exemplară, ama nu şi garantată, cu chirolu, di purtaticlu a soţlor di partid. Perspectiva ti intrari pi ipotisili ghini paltiti dit arada a putearil’ei sumaradi la mulţă di liberali, anamisa di aeşţă hiindalui aţel di ma năinti premier, Călin Popescu Tăriceanu. El’i luyursescu că ună guvernari cu PD-L, tru numa a sinferlui naţional, easti posibilă, cu niscănti căftări. Jurnalu “România Libera” s-intreabă “ţi va s-da Traian Băsescu a liberal’ilor ti participarea la guvernari?. “Călin Popescu Tariceanu lu strindzi cu uşa pi Crin”, titreadză şi “Evenimentul Zilei” chiro tru cari “Jurnalu Naţional” arădăpseaşti ună declaraţie a liderlui liberal cari va di la Băsescu “tuti ică ici ţiva, dimi ipotisea di premier”. “Cu Crin tru opoziţie ili cu Călin la guvernari?” pari s-hibă dilema a dzuuăl’ei şi ti cotidianlu “Gândul” cari, sum vula al Cristian Tudor Popescu, ngrăpseaşti că ceareia corectă şi morală tră PNL poati s-hibă armănearea tru opoziţie. Un altu jurnal, “Cotidianul” l’i-veadi pi liberali niapufusiţ “anamisa di guvernari, opoziţie şi trădzearea di kiro” iara “Ziua” faţi isapi ti efectili a crizăl’ei politiţi şi economiţi ti România a anlui 2010. “Apruchindalui că Băsescu va s-armănă nica un mandat, ngrăpseaşti ediitorialistul Sorin Roşca-Stanescu, ică va s-bagă pi puteari un guvernu minoritar PD-L, ică va s-adară ună majoritatu crehtă cu UDMR, minorităţli şi independenţăl’i, ică va s-caftă alidzeri ninti di iro să s-ţănă. Tu iţi catandisi, cundil’adză editorialistul, România va s-cunoască ună criză nica ma mari”. Textul: Valentin Tigău Apridutearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International