Radio Romania International

Arhiva :

DZUUA A UNIRIL’EI A ROMAN’ILOR
(2009-12-03)
Atea dit soni aspuneari: 2009-12-03 14:06 EET Print
Atsel’i 91 di an’i cari au tricută di la Unirea dit 1918 fură yiurtusits tu Romanie şi tu multi vâsilii, pritn manifestări di excepţie. Bucuresti, s-feaţi ună impresionantă paradă militară cari tricu pi sum Arcul di Triumfu. Monumentul fu anâlţat după victoria ali Românie, deadun cu Aliaţl’i, tu protlu polim mondial, evenimentu cari feaţi posibilă unirea dit 1918. Alba-Iulia, tu zâmani ţitati dacică şi romană, martoră a dauă uniri a provinciilor romaneşti, aţea dit 1600, faptă di domnul Mihai-Viteazu şi aţea dit 1918, ună din manifestărli di nai ma spectaculoasi fu apruchearea a pitricuţlor a ţităţlor di scamnu Moldova, Muntenia şi Transilvania. Cermonialul prit cari provinţiili istoriţi câfta unirea tu un singur stat fu spus identic tutu aşi şi masa populară di ma nâpoi iu fură ampârţâţ sârmadz romaneşti. Anlu aestu, 1 di andreu, dzuua a uniril’ei ama şi dzuua naţională ali Românie, s-tihisiră s-hibă tu chirolu ali campaniei ti turlu doi a alidzerlor prezidenţiali di la 6 di andreu. Tu cyvendzăli a lor, oamin’il’i politiţ, pi ningâ mesajieli electorali, spusiră diznou anangfhea di unitati şi di duţeari ninti a scupadzlor continuari cari âl’i adunară pi român’i, tu seculu ţi tricu. Manifestări di suflit ti yiurtusearea ali unire s-feaţiră şi Chişinău, tu R.Moldova, stat ex-sovietic iu bâneadză ma multu di 3 miliun’i di etniţ român’i. Aoa fu bâgată diznou pi soclu agalma ali lupoan’ie cu Romulus şi Remus, simbol a latinitatil’ei interzis di guvernarea comunistă, ţsi fu surpată di la puteari veara aestă. Ună parti dit loclu ali R.Moldova, cari eara ună provincie istorică ali Românii, fu ântân’ia cari, tu di martsu 1918, câftă sâ s-alichească la vâsilia dadă. Tut tu 1 di andreu, s-bitisi, la Alba-Iulia, Congreslu a Spiritualitatil’ei Românească, ediţia a 13-a, cari adună reprezentanţâ a comunităţlor româneşti dit 30 di vâsilii. Avânda tu videari că tu xeani bvâneadză 13 di miliun’i di român’i, sâ spusi ti el’i câ facu “ună deftură Românie”. Congreslu avu sarţina s-identifică rolu ali diasporă romanească tu Europa. Tu un mesaj ti român’l’i ditu xeani prezidentul Traian Basescu dzâsi: “La construcţia a unăl’ei Românie modernă, agiută şi aţeali 10 miliun’i di român’i ţi suntu nafoara a sinurlor ali vâsilie, român’i cari, prit ândruparea a lor constantă, prit ligătura di sufliet ţi u ţân cu vâsilia a lor, prit apărarea a limbăl’ei şi culturăl’ei românească, suntu un model di patriotismu, di ataşamentu la identitatea naţională. Lâ pitrecu a tutulor zbor s-aibă pisti pi Romania. Ti multsâ an’i!” Autor: Valentin Tigau Apriduţearea: Irina Paris .

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International