Radio Romania International

Arhiva :

Contra ali discriminari ş-ti diversitati
(2007-06-08)
Atea dit soni aspuneari: 2007-06-08 13:43 EET Print
Tu Romanii s-ţânurâ, simultan, dzâlili aesti em unâ conferinţâ ali Organizaţii ti Securitati şi Cooperari tu Europa (OSCE), ţi avu tu scupo alumta contra ali discriminari, cumu şi un summit sud-estu european ţi avu tu scupo diversitatea culturalâ. Complementari, aţeali dauâ temi gâilpsescu isa canţelariili di pi continentu. Şi cu ahântu ma multu pi aţeali dit Balcan’il’i a maril’ei eterogenitati etnicâ şi, pânâ tora ayon’ia ali maximâ niaprucheari interetnicâ. Lipseaşti s-vâ spunemu câ, nafoarâ di n’ica, stabila ş-fronima Slovenie, la summit au participatâ prezidentâl’i a tulor riepubliţilor ex-iugoslavi, pustusiti, aoa ş-vârâ 10 an’i, di sândziroasi polimi intrecomunitari ş-di campanii criminali di nâscârseari etnicâ. Azâ, aşi cum scoati tu migdani ş-declaraţia finalâ a summitului, ti aţel’i di ma ninti duşman’i ţi s-alumta unu cu alantu tu Croaţia, Sârbia icâ Bosna, diversitatea culturalâ easti unâ “apunti anamisa di patrimoniul cultural şi cultura a yinitorlui". Dinclo, ama, di sloganurli ma multu i ma puţân inspirati, lipseaşti , sumcundil’ia ministrul spaniol ti politica cu xeanili, Miguel Angel Moratinos, prezidentu tu exerciţiu al OSCE: “Să identificăm cauzili ali niaprucheari, s-apruchemu misuri di âmbunari cu hâiri. Ta s-avemu un yinitor ali irini, democraţie şi a ândrepturlor a omlui, prindi s-himu serţâ tu darea nanaparti a expresiilor şi a prăxilor cari calcâ tin’iia alântoru.” Idei ânvârtuşeatâ ş-di omologlu a lui român, Adrian Cioroianu : “S-azburăşti ti alumta contra ali discriminari, ti darea curaiu a oamin’iloru sâ s-tin’iseascâ unu cu alantu, ti nalili formi di islamofobie, di antisemitismu, aesti suntu lucri multu importanti tu iţi societati şi cu ahântu ma multu tu unâ societati ca a noastră, tu unâ Europâ tu cari aesti fenomeni pari câ s-amintarâ diznou.” Ca amfitrion, prezidentul Traian Băsescu nu-şi ascumsi pirifan’ia că România ari unâ di nai ma lâryuriili şi cuvârdoasi legislaţii ti ândrepturli şi protecţia a minorităţlor. Cafi unâ di aesti 18 – easti reprezentatâ,fârâ s-mutreascâ la numirlu di membri, dit oficiu tu Parlamentu. Iara aţea ma lâryuria di eali, maghiarli, easti practic, abonatâ di dzaţi an’i, prit UDMR, la guvernili di coaliţie di Bucureşti. Ti aţea prezidentul ari dichi sâ s-plângâ diznou câ sutili di n’il’i di etniţ român’i ţi suntu anvârliga di sinurli ali Românie nu s-hârsescu di un statut uidisit: “Ti amârtie, aest tratamentu di turlie europeanâ di cari s-hârsescu minorităţli naţionali nu lu ari ş-tu statili viţini cu România, cumu suntu Sârbia, Ucraina icâ Ungaria, pi a curi teritoriu ari importanti minorităţ româneşti.” Cu idyea francheţi, Băsescu bâgâ stepsu ş-ti manifestărli di românofobie ţi s-feaţirâ tora ayon’ia tu vâsiliili vestu-europeani. Daca tu viţinatâ discriminarea a român’iloru easti nâscânti ori politicâ di statu, tu Occidentu presa di scandal fu ătea cari u prezentă apruchearea ali Romanie tu UE şi libirtatea di urdinari a cetăţen’ilor a l’ei ca unâ invazie şi deadi silâ a psihozâl’ei a autohton’ilor andicra di imigranţâ. Traian Basescu: “Nâscânti campanii di presă aflarâ tu prezenţa a nâscântor comunităţ româneşti, tu ma multi stati dit Europa, unu izvuru di speculaţie alarmistâ şi di incriminari colectivă. Ahtări campanii di presă sunt zori ti acâchiseari dinintea ali opinie publicâ internâ.” Autor: Bogdan Matei Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International