Radio Romania International

Arhiva :

Un comisar român tră agricultura comunitară
(2009-11-30)
Atea dit soni aspuneari: 2009-11-30 12:56 EET Print
Românlu Dacian Ciolos, aleptu comisar european tră Agricultură, declară că, prit alidzearea a lui, Bucureştiul ari nădii tra s-agiută ti construcţia europeană. Prezidentul ali Comisie Europenă, Jose Manuel Barosso, spusi că lu-va ti aestă ipotisi ti aţea că easti naima irbapi di tuţ aţel’i nominalizaţ. Dacian Ciolos s-amintă Zalău (vest) tru 1969 şi bitisi Facultatea di Horticultură a Universitatil’ei di Stiinţi Agricoli şi Medicină Veterinară di Cluj tru 1994. Easti doctor tru Economia a Dezvoltaril’ei Agricoli, Agroalimentari şi Rurali, titlu amintat tru Franta, la Scoala Nationala Superioara de Agronomie di Montpellier. Fu ministru independentu politic ali Agricultură şi Dezvoltari Rurale tru Guvernul a liberalui Căălin Popescu Tăriceanu tru perioada 2007-2008, iara tru aestu kiro cmănduseaşti Comisia prezidenţială tră elaboarea a unei strategii tru dumenea ali agricultură. Bucuresti, alidzearea al Ciolos adusi harauă şi pirifan’e tru arada a ufiţialil’ilor, a politiciean’ilor, cari ţi s-hibă buiaua politica, şi maxus a fermierilor, cari au umutea că yinitorlu comisar va-l’i agiută multu. Seflu a statului, Traian Basescu, spusi ti nominalizari că easti ună hăirlătică a diplomaţiil’ei româneşti şi ună spuneari că şi un candidat dit România poati –aibă pitusinea tru ună dumeni ahăt di mari simasie. Presa franceză comenteadză pi largu alidzearea şi spuni că Parisul va s-aibă doi comisari europeni, Michel Barnier şi Dacian Ciolos, cari, acă român, easti un soţ ali Franţă. Ligâturli al Ciolos cu aestă văsilie suntu multu streasi, căţe aclo şi finaliză studiili, iara soţia a lui easti franţuzoaiaca. Tru alti medii occidentali, ama, alidzearea al Ciolos scoasi tu migdani critiţ andicra di. Cara va s-hibă vota di Parlamentul European, Ciolos va s-aibă ună greauă, căţe va s-lipsească s-li simfunizează poziţiili diverghenti dit sinlu ali UE tu ţi mutreaşti Politica Agricolă Comună. Statili mediteraneeni (Franta, Spania, Italia) şi statili nău aprucheati tru UE andrupăscu ună finanţari vărtoasă a aluştui sector. Al’iumtrea, statili scandinavi, Marea Britanie, Olanda şi Germania, cu ună agricultură anvărtuşită, vor ună n’icşurari a fondurlor ahărdziti ti aestu sector. Naima aprşi suntu ghirman’il’i şi britaniţl’i, niifharistusiţ că România amintă Agricultura, ună dumeni cu fonduri comunitari multu consistenti. Jurnaliştil’i britaniţ di la The Independent minduescu că ''un român nu poati s-aibă aestu post, căţe miza financiara easti ahât mari, iara el yii dit ună văsilie iu aruşfetea easti nica prezentă'' . Yinitorl’i comisari va s-hibă audiaţ tru comisiile a Parlamentului European tru yianuar 2010, a deapoa eurodeputaţl’i s-votează tu plen structura a nauăl’ei Comisie Europenă. Textul : Andreea Bojoi Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International