Radio Romania International

Arhiva :

Prezidentul interimar tră România - 2012. 07.11
(2012-07-11)
Atea dit soni aspuneari: 2012-10-17 12:22 EET Print
Curtea Constituţională ali Românie âl’i deadi a prezidentului Traian Băsescu, şansa tra s-nu s-agiungâ la scutearea di pi ipotisi tru referendumlu dit 29 di alunar. Curtea lo, aseara, unâ apofasi-surprizâ, ţi spuni câ nai cama puţân giumitati dit electoratlu român lipseaşti tra s-l’ia parti la scrutin aţea turlie câ votlu s-hibâ valid. Apofasea u minteaşti proţedura ti scuteari di pi ipotisi al Traian Băsescu, iniţiata di Uniunea Social-Libearalâ (la puteari), tru condiţiili tru cari unâ prezenţâ di 50% ş-cama la unâ consultari popularâ nu easti lişor ti agiundzeari, tru kirolu a concediilor di veara. Guvernul a premierlui Victor Ponta avea apufusitâ, stămâna ţi tricu, unâ ordonanţâ cari pruveadi că nu ari un prag di prezenţă la vot aţea furn’ie că scrutinlu s-hibâ valid, scuţândalui tru migdani “unâ alumtâ constituţională”. Em premierlu, em prezidentul interimar, Crin Antonescu, spunea, ama, câ apofasli a Curtil’ei Constituţionali va s-hibâ tin’isiti. Aţel’I doi vor, di altâ parti, s-li curmâ confuziili adrati tru canţelariili occţidentali, gâilipsiti di dizvârtearea ayun’iusitâ şi di posibilili consecinţi a evenimentilor dit Romania. Crin Antonescu feaţi şi un apel la opoziţia politicâ dit România tra s-nu agudeascâ, niţi unâ turlie, imaginea a vâsiliil’ei tru xinâtati, prit declaraţii lâhtâroasi, ţi nu au thimel’iu. Crin Antonescu: ” Apelu a meu tra tuţ easti aţel tra s-nu bagâ tru piricl’iu sinferlu naţional ali Românie, imaginea a l’ei, prit exacerbarea şi prit scutearea, anaparti di sinurli a arâdearil’ei/ a minciunâl’ei, a nâscântor realităţ cari suntu tru România.” România, cundil’e Antonescu, easti şi va s-armânâ un stat di dreptu vârtos, ţi easti axi di normalitati democraticâ. La 29 di alunar, prit votlu di la referendum, va s-da verdictul ti un conflictu politic, un verdictu cari va s-hibâ tin’isitu di tutâ lumea, spusi Antonescu. Cu tuti aesti cândâseri la normalitati ţi li feati Crin Antonescu, cadealithea easti câ ari unâ niisihâseari a Occidentului andicra di yinitoarili minări pi sţena politicâ româneascâ. Eventuala demiteri al Băsescu va s-nsimneadâ că, ti di toamnâ, va s-ţânâ noi alidzeri prezidenţiali, cu puţân chiro ninti di aţeali parlamentari. Tră nâscânţâ observatori politit, aestâ aghenda u minteaşti catastisea şi spuni unâ predictibilitati tru scâdeari ti evoluţia politicâ ali Românie. Textul: Valentin Tigău Armânipsearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International