Radio Romania International

Arhiva :

Cipru easti la prezidenţil’ia ali UE – 2012.07.02
(2012-07-02)
Atea dit soni aspuneari: 2012-10-17 12:21 EET Print
Cipru u lo di la 1 di alunar, prezidenţil’ia ali UE ti un chiro di şasi meşi ti prota oarâ di la aderarea a lui la forlu comunitar, tru 2004. Protlu mandat a Ciprului ahurheaşti tru unâ hâvaie economicâ zn’iipsitâ di crizâ şi tru contextul a nâscântor ligâturi apreasi cu Turchia, ţi ari nâdii tra s-hibâ cu statutlu di membru ali Uniunii. Cu maşi ndauâ dzâli ninti tra sâ u l’ia cumândusearea a Consiliului European, autorităţli di Nicosia, ţi s-ampulisescu cu mări problemi tru sectorlu bancar zn’iipsit di catastisea dit Gârţia viţinâ, câftarâ agiutor financiar di la partenerl’ii dit zona euro ş-di la FMI. Tru aţel’i şasi meşi di mandat, Cipru ş-pripuni câ zona euro s-nu agiungâ tru hauâ financiarâ, avândalui tu videalâ câ 5 vâsilii dit zonâ, ţi s-ampulisescu cu mâri griutăţ di furn’ia a crizâl’ei, câftarâ agiutor financiar externu. Cu tuti aesti, autoritătli spun că va s-cilâstâseascâ tra s-alâxeascâ provocărli tru oportunităţ. Cari suntu priorităţli ali prezidenţil’ie chipriotâ ali UE? Prota şi nai ma di simasie easti simnarea, până tru bitisita a anlui, a pâzârâpserlor anamia di statili membri tră bugetlu ali Uniuni 2014-2020. Nicosia ş-pripuni ta s-agiungâ la unâ achicâseari tră un buget echilibrat care s-da silâ ti criştearea economică şi s-dişcl’idâ locuri di lucru. Ciprul nica ş-pripuni s-pingâ lucurlu ti ideea a unâl’ei Europâ ma bunâ, ma solidară şi ma aprucheatâ di cetăţean’il’i a l’ei, cama tu suţatâ s-hibâ şi cama ahârdzitâ ti valorli gheneral-umani. Prezidenţil’ia chipriotă va s-aibâ tru mengâ şi duţearea ma largu a politicâl’ei di lârdzeari ali UE, nica ş-cu Turchia, acâ Ankara, ţi u ari nâdia trâ s-agiungâ cu statutlu di membrâ, hâbârâsi că nu va s-lucreadzâ deadun cu Nicosia di furn’ia a ambodyiului tru pâzârâpserli di reunificari a Haunisiil’ei. Chiprul easti goala vâsilie ampârţâtâ dit UE. Acâ tru 2004, tutâ vâsilia agiumsi membrâ ali Uniuni, di facto ama dit marea fumeal’e europeană faţi parti maşi partea gârţeascâ dit sudlu ali hamunisie. Nord-estul, aputrusitu di ascherea nturţeascâ, tru 1974, s-proclamă ea işişi Republica Turcă a Chiprului di Nord - un stat pricunuscut maşi di Ankara. Prezidentul a Chiprului, ţi maşi nâs easti tu harea di şef di stat comunistu dit UE, Dimitris Christofias easti duchimâsitu că situaţia poati s-aducâ zn’ie a aiştei di tora prezidenţil’e europenâ. Tora ma nâinti, el cundil’e că vâsilia a lui easti hâzâri tra s-ducâ ma largu dialoglu mutrindalui ndridzearea a problemâl’ei cipriotâ tu chirolu cât va u aibâ prezidenţil’a ali UE, cu câftarea câ şi Turchia s-va aestu lucru. Un altu lucru di prota thesi ti prezidenţil’ia chipriotâ ali UE easti aderarea ali Românie ş-ali Vârgârie la Schengen. Pruvidzutâ tru ahurhitâ, trâ primveara anlui 2011, aderarea a aţilor dauâ stati fu ambudyiusitâ, ma multi ori arada, di vâsilii cata cum Franţa, Ghirmânia, Finlanda şi Olanda cari lugursirâ câ Bucureştiul şi Sofia nu feaţirâ duri progresi ti alumta contra ali aruşfeti. Tu chirolu di tora maşi Olanda s-ncuntreadzâ ti aderarea a aţilor dauâ vâsilii la spaţiul Schengen, aştiptândalui raportul pi justitie dit aestu mes ali CE pi thimel’ilu a Mecanismului di Cooperare şi Verificari. Textul: Andreea Bojoi Apridutearea: Tascu Lala
You need Flash player 8 to play this

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International