Radio Romania International

Arhiva :

Ţifrili icunomiţi, ţifrili a hărgiloru
(2007-06-07)
Atea dit soni aspuneari: 2007-06-07 13:42 EET Print
Aştiptatâ cu niarâvdari, aderarea la Uniunea Europeanâ nu l-adusi, tora di oarâ qa român’iloru prucuchia icunomicâ ţi u aştipta. Pi di unâ parti câţi lucârli nu s-ândregu pisti noapti, ş- pi di altâ câţe, idyea cu tuti vâsiliili tu ahurhitâ di cali comunitarâ, ali României âl’i easti zori s-li absoarbâ fondurli, ţi li da cu cuvârdeaţâ Uniunea dit bugetlu a l’ei. Tu aţea ţi mutreaşti cauzili, analiştil’i zburăscu ti xichea di voli politică ti ndridzearea a instituţiilor cari s- ghestioneazâ aeşti pâradz, cum ş-ti xichea a programilor şi a informaţiilor, avândalui tu videari că ghidurli ti adrarea a proiectilor nu suntu finalizati. Iara Asociaţia a emburlor luyurseaşti câ amânărli tu ndridzearea ma multor programi europeni suntu ş-di itia a frimântărlor politiţi, a reorganizaril’ei a unor ministeri şi a restructuraril’ei a altor instituţii guvernamentali. Cari s-hibâ itiili, ama, cu tuti câ anlu aestu da pâradz la fondul comunitar, Romania va s-ahurheascâ s-hârgiuiascâ efectiv dit fondurli europeani tâş tu 2008, anlu aestu ufilisinda aeşti pâradz ti chestiuni procedurali. Tu idyiul chiro, xichea a bugetlui di stat pi aestu anu va s-hibâ cu 25% ma mări di previziunili a Ministerlui a Finanţilor – luyurseaşti Institutul Naţional di Statistică. Criştearea ari la thimel’iu prota ş-prota hărgili semnificativi ligati di creditili externi. Institutlu deadi trâ şteari ş-dati pi nivelu ali familie. Aşi, pi ansamblu a anlui ţi tricu, unâ familie pâlti tu medie ti educaţie maş 0,82% dit acutotalu a hărgilor, iara sumili hârgiuti ti discurmari ş-culturâ icâ sânâtati avurâ ponderi di sum 4,5%. Biuturli ş-tâtumea scoasirâ ama dit gepea ali familie pisti 6 proţenti. Diafurali nica ma mări si înreghistreazâ la familiili di agricultori, iu hărgili ti biuturi şi ţigări furâ tu 2006 anvârliga di 10% dit acutotalu a hărgilor, icâ la şomeri, cu unâ ponderi di 8%. Pi nivelu a întreagâl’ei vâsilie, majoritatea a hărgilor di consum suntu direcţionati câtâ ancupârarea di pârmâtii alimentari şi biuturi nialcooliţi - pisti 42% dit acutotal. Cându au ananghi di ma mulţâ păradz, român’il’i l’ia crediti. Tutu ma relaxati, tut ma multi bănchi l’ia acceptul s- crediteadzâ tu condiţii mai puţân restrictivi. Easti alithea, ama, câ easti ma lişoru tutu ti aţel’i cu amintaticu mari, a curi gradu di acâţari borgi poati s-hibâ iuva anvârliga di 70 di proţenti şi cari, tu nâscânti cazuri, potu s-l’ia crediti să-şi adarâ casi ş-fârâ s-pâlteascâ avansu - variantâ exclusâ ti aţel’i cu pâradz puţân’i. Autor: Corina Cristea Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International