Radio Romania International

Arhiva :

Reacţii la numâsearea a noilor responsabil’i europen’i
(2009-11-20)
Atea dit soni aspuneari: 2009-11-20 14:07 EET Print
Uniunea Europeană şi-a aleapsi gioi, ti prota oară, un prezidentu. Premierlu belghian, Herman Van Rompuy, cari va ş-u l’ia funcţia tu prot di yinar 2010, funumăsit lider a forlui comunitar di şefan’il’i di stat şi di guvernu europen’i adunaţ Bruxelles, tu un summit extraordinar. Tu ilichie di 62 di an’i, Van Rompuy easti un criştin democrat flamandu, parlamentar dit 1988. El agiunsi premier ali Belghie anlu ţi tricu, tu meslu andreu, şi easti cunuscut tu vâsilia a lui ti axia s-afla calea di mesi anamisa comunităţli lingvistiţi francofonă şi flamandă. Tu prota a lui declaraţie după alidzearea ca prezidentu ali UE, Van Rompuy dzâsi că Europa prindi s-agioacă un rol importantu tu lumi şi spusi câ easti sinfun ca spaţiul comunitar să s-tindă ş-ma nclo ta s-includă şi alti vâsilii tu an’il’i ţi yin, cu condiţia ca el’i s-li umplă tuti câftărli ali Uniuni. Tut gioi, la summitlu di Bruxelles, Analtul Reprezentantu ali UE ti Politica cu xeanili fu aleaptă britanica Catherine Ashton, tora comisar european ti comerţu. Ea yini tu loclu a spaniollui Javier Solana, ama avanda un portofoliu cu prerogativi ma mări, şi avânda tu idyiul chiro şi functia di viceprezidentu ali Comisie Europeană. Noulu şef ali diplomaţiei europeană, cu zânatea di icunumistă, easti ma puţân cunuscută tu vâsilia a l’ei di Bruxelles. S-escu prota easti ti mini ună provocari – mini fui prota britanică aleaptă comisar european, prota mul’iari comisar ti comerţu şi, tora, prota cari acaţă postul di analtu reprezentantu - dzâsi Chaterine Ashton. Ea lă feaţi timbihi a aţilor cari zburăscu ti xichea a l’ei di experienţă tu diplomaţie s-u giudică tu funcţie di aţea ţi adară şi nu după aţea ţi să spuni ti ea. Casa Albă u hiritisi număsearea a aţilor doi responsabil’i europen’i tu nalili funcţii, şi ş-aspusi nădia tu un parteneriat consolidat anamisa di Europa şi SUA. Prezidentul francez, Nicolas Sarkozy, easti di păreari, tu aradha a lui, că Van Rompuy va s-hibă un prezidentu sânâtos. Bucurestiului dzâsi ş-el că obiectivlu ali reuniuni di Bruxelles fu apufusearea, tu conformitati cu Tratatlu di Lisabona, a nauăl’ei structură di cumânduseari pi nivel executiv, şi dimi alidzearea a prezidentului a Consiliului European şi a analtului reprezentantu ti politica cu xeanili. Dn punctu di videari politic, dauăli funcţii, adrati prit Tratatlu di Lisabona, suntu acâţati di un reprezentantu a Partidlui Popular European, respectiv di partea a socialiştilor, ş-aestu lucru u adară isa ziga nuntrul a Consiliului tu raportu cu forţâli politiţi. Tratatlu di Lisabona, a curi obiectiv iniţial eara s-da izini ali Europă ş-u facă ma ghini avdzâtă boaţea pi sţena internaţională, dinintea SUA şi a puterlor emerghenti, va s-intră pi lucru tu 1 di andreu. Autor: Leyla Cheamil Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International