Radio Romania International

Arhiva :

Tinderea a gripăl’ei nauă
(2009-11-16)
Atea dit soni aspuneari: 2009-11-16 14:15 EET Print
Di la ântân’ilu caz di lândzâdzari cu viruslu AH1N1, tu işita a meslui mai, naua gripă s-tindi pi ayunie di la ună dzuuă la altă, tu Romanie, numirlu a persoanilor infectati s-aproachi di 1400. Nai ma mulţâl’i lândzidz suntu elevil’i, itie ti cari autorităţli sanitari au apufusită încl’idearea ti nâscântu chiro a ma multor şcoli si licei, ma multu Bucureşti şi Iaşi (nord-estu). Tu alti ândauă dzâţ di unităţ di ânveţ, cursurili fură suspendati, iara tu nâscănti acâţarea diznou a cursurlor fu amânată. Ta s-bagă prag la tindearea a viruslui fură ampârţâti piesti 60 di n’il’i di masti di unica ufiliseari tu sculii, spitali, aeroporturi, cum şi n’il’i di litri di substanţi dezinfectanti. Campania naţională di vaccinari va s-ahurhească tu 26 di brumar, prioritati avânda personallu medical şi aschirladzl’i di la sinur. Di altă parti, aţea a elevilor va s-ahurhească tâş la ahurhita a anlui ţi yini ş-va s-hibă ufilisiti maş dozi adrati tu Românie di Institutlu Cantacuzino. Autorităţli nu mata ancupără vaccinuri ditu xeani câţe firmili producătoari nu ş-u l’ia arăspunderea ti posibilili efecti secundari. Pi di altă parti, dzâlili aesti Ministerlu ti politica cu xeanili di Bucureşti ari confirmată ca doi cetăţen’i român’i, unu tu Austria şi altu tu Ungaria, au murită di gripa nauă. Oficial’i di Bucureşti au recomandată lumea s-urdină ma puţân ta s-nu s-tindă viruslu ş-ma multu. Tu statili viţini, situaţia ghenerată di năua gripă easti mult ma greauă. Nai ma agudită easti Ucraina, ma myultu partea di vestu, iu muriră ma multi suti di inşii şi pisti 1,2 miliun’i lândzâdzâră. Nâscânţ specialiştii dzâcu că, tu aestă vâsilie, viruslu s-alâxi ş-amintă ună formă cama arauă, ţi atacă pi ayunie cari atacă pi ayunie pulmun’l’i. Experţâ ali Organizaţie Mondială a Sânâtatil’ei s-dusiră tu Ucraină, la acl’imarea a Kievlui, ta s-l’ia probi şi s-facă testi. Şi tu Vâryârie fură dânâsiti cursurli tu sculiii, licei şi gârdiniţi, câţe numirlu a lândzâdzârlor a ficiuriţlor, a elevilor şi a profesorlor easti tut ma mari. Tu Sârbie fu declarată catandisea di epidemie pi nivel naţional şi ahurhi campania di vaccinari a dun’iauăl’ei. Tradzi multu şi Ripublica Moldova, iu muriră oamin’i di itia a viruslui AH1N1. Nai ma naua isapi ali Organizaţie Mondială a Sănătatil’eii,spuni că numirlu a morţâlor di itia a viruslui, tu ântreaga lumi, tricu di 6250, nai ma multi pi continentul amirican, pisti 4500. Pi locurili di ma nghios suntu zona Asia-Pacific şi Europa. Autor: Andreea Bojoi Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International