Radio Romania International

Arhiva :

UNA SŢENÂ POLITICÂ NIVRISITÂ
(2007-06-06)
Atea dit soni aspuneari: 2007-06-06 13:24 EET Print
Prezidentul Traian Băsescu âl’i chl’imă iara pi liderl’i a partidilor parlamentari dit Românii di ma multi ori s-facâ muabeti viniri, ta s-aflâ deadunu unâ formulâ di guvernari cari s- asiguripseascâ stabilitatea ali vâsilie, pi baza a unâl’ei ândrupari parlamentarâ transparentâ. Aestâ formulâ luyurseaşti elu easti un guvernu adrat dit PNL, PD ş-PLD, ama fârâ premierlu Călin Popescu - Tăriceanu. Formula dit laboratorlu prezidenţial fu lansatâ, nioficial, nica di stâmâna ţi tricu, dupâ discursul dit Parlamentu tu cari Băsescu dâdea hâbari câ, maca nu va sâ s-facâ alidzeri anticipati, atumţea lipseaşti s-hibâ adratu un nou guvernu, cari s-lu yilipseascâ rezultatlu a alidzerloru dit 2004, cumulat cu rezultatlu a referendumlui dit 19 di maiu, dupu cari şeflu a statlui ş-u nvârtuşe poziţia la Cotroceni, iara partidili cari vrea s-lu surpâ (PNL, UDMR – la co-guvernari, PSD, PRM, PC – tu opoziţie) furâ aruşunati şi azvimti. Nafoarâ di PRM (populistu), tuti formaţiun’ili politiţi dzâsirâ câ va s-yinâ la lăcărdii, cu tuti câ părerli nu suntu idyili. Liberal’i pistipsescu câ pripunerea al Băsescu easti unâ nouâ diversiuni, aşi cum sughereazâ Bogdan Olteanu: ”Va nâ duţemu Cotroceni ta sâ-l’i spunemu, prota ş-prota, a prezidentului Traian Băsescu câ aestâ invitaţie easti niconstituţionalâ, câ prezidentul nu ari competenţa s-azburascâ ti un nou prim-ministru ahântu chiro câtu existeadzâ un premier tu funcţie”. Democraţl’i, tu marea a lor vreari ti prezidentul Băsescu, suntu etimi, aşi cum declara liderlu a lor dit camera a Deputaţlor, Cristian Rădulescu, sâ ws-toarnâ la veacl’a formulâ di guvernari cu liberal’i di cari s-ampârţârâ furtunos tu ahurhita a aiştuiu anu TRACK: “Câţe aestâ invitaţie a prezidentului yini ca unâ consecinţâ normalâ, loghică, a aţilor ţi şeflu a statlui li dzâsi andicra di turnarea la rezultatili electorali a anlui 2004.” Democaraţl’i suntu secondaţ di PLD, formaţiuni disfaptâ dit PNL ş-cari va ş- ea, s-u gustâ putearea. Liderlu ali formaţiunii, Teodor Stolojan:“Un guvernu cari ari ndrupari popularâ, datâ prit referendumlu di la 19 di maiu, şi unâ majoritati parlamentarâ limbidâ easti ma bunu di aestu guvernu di azâ.” Easti limbid câ Traian Băsescu şi partidili proprezidentiali vor s-ascapâ, cu iţi pâhă, di premierlu Tăriceanu şi câ maş votlu masiv contra a PSD poati s-lâ bagâ cheadicu. Prezidentul a social-democraţlor, Mircea Geoanâ prelungesti insa suspansul :“Arâvdaţ pânâ viniri şi va vâ dămu unâ apandisi definitivâ a PSD ti soluţia ţi u luyursimu oportunâ. Nu exclud, ama, niţi opţiunea a intraril’ei la guvernari a PSD tu numâ proprie.” Tu aesti condiţii, nivrisita sţenâ politicâ româneascâ lipseaşti s-aravdâ nica, nai puţân ândauâ dzâli. (Valentin Tigau)

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International