Radio Romania International

Arhiva :

Alâxeri ministeriali şi câvgadz politiţ – 2012.06.19
(2012-06-20)
Atea dit soni aspuneari: 2012-06-21 13:10 EET Print
Ministrul român ali Cultură, actorlu Mircea Diaconu, işi di pi ipotisea ministerialâ după ţi Analta Curti di Casaţie şi Justiţie di Bucureşti apufusi, prit sentinţă definitivă, că easti incompatibil. El avu, ma nâinti, ipotisea di director a unlui teatru, ş-tru idyiul chiro şi demnitatea di senator. Unâ ahtari apofasi âl’I aduţi unâ interdicţie di 3 an’i tra s-nu mata aibâ unâ funcţie publică. Mircea Diaconu easti doilu ministru cari demisioneadză dit Cabinetlu Ponta. Tru ahurhita a meslui mai, unâ ş-unâ dupâ ţi Victor Ponta u avu borgea tra s-adarâ un nău Executiv, fu aleptu, trâ portofoliul ali Educatie, profesorlu universitar Corina Dumitrescu. Tru cazlu a l’ei, jurnalişţâl’I aflarâ câ, tru 2007, fu stipsitâ di plagiat ş-câ arâsi tru declaratiili mutrindalui studiili ţi li feaţi. Loclu l’ei fu loat di Ioan Mang, stipsit şi el, un mes ma amânat, di plagiat. Mang ş-deadi demisia, spunândalui câ easti unâ victima a PD-L (protlu partid dit opoziţie). Atumtea, premierlu Ponta pitricu unâ carti ali Academiei Românâ, tu cari câfta dişcl’idearea a unâl’ei comisii dit cari s-facâ parti specialiştâ ţi s-hibâ axi s-facâ isapi stepsurli di plagiat. Ma amânat, Academia trapsi mânâ di investigari tru cazlu al Mang. Un altu ministru, delegat tră strategii guvernamentali, Victor Alistar, pripus, tu ahurhitâ tru pareia al Ponta, nu putu s-hibâ aleptu tru aestâ ipotise, tut di itia a unlui proţes ti unâ aşi dzâsâ incompatibilitati di funcţii. Incompatibilitati şi plagiati - aesti par tra s-hibâ slâbinţili, icâ cripărli, a proaspitului guvernu USL, rezultat dit unâ spectaculoasâ arâsturnari di situaţie, tru meslu mai, tru Parlamentu. Canda cazurli adusi aminti nu furâ duri, guvernul s-ampuliseaşti, tora ş-cu unâ problemâ di chipitâ, dupâ ţi işişi premierlu Victor Ponta fu stipsit di plagiat, tru revista “Nature”. Dupâ alâncirea a unlui articol incriminatoriu, ţi ari la thimel’iu informaţii anonimi, şi publicaţia ghirmanâ “Frankfurter Allgemeine Zeitung” spusi câ u ari dovada a aşi spusâl’ei furlâchi intelectualâ. Premierlu spusi ufiţial câ nu suntu cadealithea stepsurli spunândalui câ, dinâpoia a lor, poati s-hibâ prezidentul ali Românie, Traian Basescu. Pânâ va s-facâ unâ isapi/ unâ evaluari academicâ tu ligâturâ cu lucrarea di doctorat al Victor Ponta, presa scoati tu migdani criştearea a cazurlor di plagiat tru lumea politicâ europeanâ, dupâ aţel a prezidentului ungar, Pall Schmitt si aţel a ministurlui ghirman ali apârarii, Karl-Theodor zu Guttemberg. Pricunâscândalui archişurarea di la normili ştiinţifiţi, dol’i vidzurâ zori di agiumsirâtra ş-da demisia dit ipotisili ufiţiali di stat. Textul: Valentin Tigău Armânipsearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International